آصفہ کو درندگی کا نشانہ بنانے والوں کو عبرتناک سزا دی جائے ‘ ملائکہ نور کا بھارت ..

آصفہ کو درندگی کا نشانہ بنانے والوں کو عبرتناک سزا دی جائے ‘ ملائکہ نور کا بھارت کیخلاف شدید احتجاج

پیر اپریل 1:12 pm
لاہور (اُردو پوائنٹ اخبارتازہ ترین۔ 16 اپریل2018ء) انگلینڈ میں مقیم اداکارہ ملائکہ نور مقبوضہ کشمیر میں بھارتی درندگی کا نشانہ بننے والی آصفہ بانو کے حق میں پھٹ پڑیںاور انہوں نے بھارت کیخلاف شدید احتجاج بھی کیا۔ ذرائع کے مطابق انگلینڈ میں مقیم پاکستانی اداکارہ ملائکہ نور نے احتجاج کے دوران کہا کہ بھارت کا مکروہ چہرہ پوری دنیا کے سامنے عیاں ہو چکاہے ، بھارت نے زبردستی کشمیر پر اپنا قبضہ مصلحت کر رکھا ہے اور وہاں اپنی سات لاکھ سے زیادہ فوج کو آزادی مہم کو کچلنے کے لئے تعینات کر رکھا ہے اور بھارتی فوج درندے بلا دریغ اسلحے کا استعمال

خبر کی مزید تفصیل پڑھئیے

کر کے بے گناہ کشمیریوں کو جان سے مار دیتے ہیں اور عورتوں کی بے حرمتی کے ہزاروں واقعات رونما ہو چکے ہیں مگر عالمی ضمیر اس پر مکمل خاموش تماشائی بنا بیٹھا ہے۔

(خبر جاری ہے)

انہوں نے کہا کہ میں اقوام متحدہ اور انسانی حقوق کے لئے کام کرنیوالی تمام تنظیموں سے اپیل کرتی ہوں کہ وہ بھارت پر دبائو ڈالیں کہ وہ کشمیریوں کو ان کی مرضی کے مطابق حق خورد ارادیت دے اور فوری طور پر اپنی فوجیں کشمیر سے نکال لے اور آصفہ بانو کو درندگی کا نشانہ بنانے والوں کو عبرتناک سزا دی جائے ۔مظاہرے میں پاکستانی اور سکھ کمیونٹی نے بھی شرکت کی۔