پریانکا اور کترینہ سلمان خان کی ہیرؤئنز بنیں گی

پریانکا اور کترینہ سلمان خان کی ہیرؤئنز بنیں گی

پریانکا اور کترینہ کیف پہلی بار ایک ساتھ سلمان خان ہمراہ جلوہ گر ہوں گی , فلم’’ بھارت‘‘ 2019 میں عید کے موقع پر سینما گھروں کی زینت بنے گی

منگل اپریل 11:54 am
ممبئی(اُردو پوائنٹ اخبارتازہ ترین۔ 17 اپریل2018ء) بالی ووڈ سلطان سلمان خان کی نئی فلم ’بھارت‘ کے لئے دو اداکارائوں کے نام سامنے آگئے۔بالی ووڈ کے نامور ہدایتکار علی عباس ظفر کی ہدایتکاری میں بننے والی سلمان خان کی سپر ہٹ فلم ’سلطان اور ٹائیگر زندہ ہے‘ کی مقبولیت کے بعد یہ جوڑی ایک بار پھر فلم ’بھارت‘ کے ذریعے ہلچل مچانے آرہی ہے جب کہ فلم میں مرکزی کردار کے لئے کئی روز سے پریانکا اور کترینہ کے نام کو لیکر قیاس آرائیاں جاری تھیں تاہم فلم کو چار چاند لگانے کے لئے سلمان خان کے مد مقابل اداکارائوں کے نام بھی منظر عام پر آگئے ہیں۔

(خبر جاری ہے)

بھارتی میڈیا رپورٹس کے مطابق ذرائع کا کہنا ہے کہ بالی ووڈ سلطان سلمان خان کی نئی فلم ’بھارت‘

خبر کی مزید تفصیل پڑھئیے

میں سلو میاں کے مدمقابل پریانکا چوپڑا اور کترینہ کیف کے نام فائنل کیے گئے ہیں جب کہ دونوں اداکارائیں دبنگ خان کے ہمراہ فلم میں اہم کردار ادا کریں گی۔واضح رہے کہ پریانکا اور کترینہ کیف پہلی بار ایک ساتھ فلم ’بھارت‘ میں سلمان خان ہمراہ جلوہ گر ہوں گی جب کہ فلم 2019 میں عید کے موقع پر سینما گھروں کی زینت بنے گی۔