عالیہ کی رنیبرکپور کے ساتھ پیرس نہ جانے کی وجہ سامنے آگئی

عالیہ کی رنیبرکپور کے ساتھ پیرس نہ جانے کی وجہ سامنے آگئی

عالیہ کی پیرس نہ جانے کی اصل وجہ اٴْن کے والد و معروف ہدایت کار مہیش بھٹ ہیں , رنبیر کپور کی زندگی میں عالیہ سے قبل دیپیکا اورکترینہ کیف بھی آچکی ہیں اور راہیں جدا ہوگئیں

جمعرات جولائی 12:11 pm
ممبئی(اُردو پوائنٹ اخبارتازہ ترین۔ 12 جولائی2018ء) بالی ووڈ کی نوجوان اداکارہ عالیہ بھٹ کی رنبیر کپور کے ہمراہ نیتو سنگھ کی سالگرہ پر پیرس نہ جانے کی وجہ سامنے آگئی۔۔بھارتی فلم نگری میں اپنی اداکاری سے ہلچل مچانے والے چاکلیٹی ہیرو رنبیر کپور اور عالیہ بھٹ ان دنوں فلموں کی مقبولیت کے ساتھ ساتھ دونوں کے درمیان چلتی کیمسٹری کی وجہ سے خبروں کی زینت بنے ہوئے ہیں جس کا اعتراف دونوں ہی اداکار کرچکے ہیں اور ایک دوسرے کی فیملی سے ملاقاتیں بھی کیں جارہی تھیں لیکن اچانک اس سلسلے میں کمی دیکھنے میں آئی جس کی وجہ عالیہ بھٹ کا انکار کہا جارہا ہے جو انہوں نے رنبیر کی والدہ نیتو سنگھ کی سالگرہ پر پیرس جانے سے کیا تھا۔

بھارتی میڈیا رپورٹس کے مطابق بھٹ خاندان کے قریبی ذرائع کا کہنا ہے کہ عالیہ کی پیرس نہ جانے کی اصل وجہ اٴْن کے والد

خبر کی مزید تفصیل پڑھئیے

و معروف ہدایت کار مہیش بھٹ ہیں کیونکہ بھٹ صاحب ہمیشہ چاہتے ہیں کہ اداکارہ کو اپنی تمام تر توجہ کام پر رکھنی چاہئے اور اسی وجہ سے عالیہ بھٹ نے اپنے والد کے حکم کی پاسداری کرتے ہوئے نیتو سنگھ کی سالگرہ پر پیرس جانے کے بجائے اپنی فلم ’براہمسترا‘ کی شوٹنگ پر جانے کا فیصلہ کیا۔

(خبر جاری ہے)

اس سے قبل معروف ہدایتکار مہیش بھٹ نے دونوں اداکاروں سے متعلق کہا تھا کہ رنبیر اور عالیہ کے درمیان ایسا کچھ نہیں ہے جس طرح کی خبریں میڈیا پر چل رہی ہیں جب کہ میں اٴْن والدین کی طرح بھی نہیں جو اپنے بچوں کو ذاتی پسند کا مشورہ دیتے ہوں۔واضح رہے رنبیر کپور کی زندگی میں عالیہ بھٹ سے قبل اداکارہ دپیکا پڈوکون اورکترینہ کیف بھی آچکی ہیں تاہم دونوں اداکاراؤں کے ساتھ رنبیر کپور کا رشتہ زیادہ عرصہ نہ چل سکا اور رنبیر نے ان سے اپنی راہیں جدا کرلیں۔