شوبز ڈیسک*

ممبئی (اُردو پوائنٹ اخبارتازہ ترین - آن لائن۔ 22 جولائی2018ء) بالی وڈ اداکار شاہ رخ خان نے کہا ہے کہ فلموں میں اپنے کرداروں کی پسندیدگی پراپنے مداحوں اور فلم بینوں کا شکر گزار ہوں ۔

(جاری ہے)

بھارتی میڈیا رپورٹس کے مطابق اداکار شاہ رخ خان کی بیوی گوری خان نے شاہ رخ خان کے حال ہی میں فلم انڈسٹری میں کامیاب 26 سال مکمل کرنے پر گذشتہ روز ایک وڈیو شیئر کی جس کے نیچے یادوں کے قیمتی 26سال لکھا گیا جبکہ وڈیو میں شاہ رخ خان نے اپنے فلمی کیریئر، زندگی، بچوں سے متعلق گفتگو کرتے ہوئے کہا کہ انہیںفلم انڈسٹری میں 26سال کا عرصہ بیت چکا ہے اور اس دوران انہوں نے محبت، نفرت اور بعض اوقات اداسی کی رولر کوسٹر میں بہت کچھ سیکھا ہے۔

انہوں نے کہا کہ وہ فلموں میں اپنے کرداروں راج، راہول اور دیگر اہم کرداروں کی پسندیدگی پر اپنے مداحوں اور فلم بینوں کے شکرگزار ہیں، آپ سب کے بغیر یہ سب ممکن نہیں تھا، ان کی آدھی زندگی بہت جلدی یعنی ایک جھٹکے میں گزر گئی اور ابھی تک انہیں ایسا لگتا ہے کہ ابھی آگے بہت کچھ کرنا ہے لہذا زیرو سے شروع کرتے ہیں۔ انہوں نے کہا کہ ہدایتکار آنند ایل رائے کی فلم زیرو میں اداکارہ انوشکا شرما اور کترینہ کیف کے ساتھ کام کررہا ہوں ، فلم رواں سال 21دسمبر کو ریلیز کی جائے گی۔