شوبز ڈیسک *

لاہور(اُردو پوائنٹ اخبارتازہ ترین - آن لائن۔ 22 جولائی2018ء) اداکارہ وماڈل مومل شیخ نے کہا ہے کہ ہمارے پڑوسی ملک سمیت بہت سے ممالک کی فلم انڈسٹریاں پریشان ہونے لگی ہیں۔ اتوار کو میڈیاسے گفتگوکرتے ہوئے مومل شیخ نے کہا کہ اگرہم اپنے پڑوسی ملک بھارت کی فلم انڈسٹری کی کامیابی کی بات کریں توان کی فلموں میں سب سے اہم رول بیرون ممالک خوبصورت لوکیشنز نے ادا کیا تھا۔

(جاری ہے)

یورپ، افریقہ، امریکہ، کینیڈا اورمڈل ایسٹ سمیت دیگرممالک کی خوبصورت اورحیرت انگیز لوکیشنز پرجب گیت اورسین فلمائے گئے توشائقین کوبہت کچھ نیا دیکھنے کوملا اوراسی طرح سے بھارتی فلم انڈسٹری کا نیا دورشروع ہوا اوروہ اردواورہندی سینما دیکھنے والوں کی توجہ کا مرکز بننے لگے۔اداکارہ نے کہاکہ اس سفرپرپاکستان فلم انڈسٹری توخاصا پیچھے ہے لیکن جس انداز سے اس سفر کا اب نوجوان فلم میکرز نے آغازکیا ہے، اس کودیکھتے ہوئے یہ کہنا غلط نہ ہوگا کہ ہمارا مستقبل بہت روشن ہے ۔

اداکارہ نے کہا کہ یہ بات درست ہے کہ پاکستانی فلم نے ترقی کی راہ پردیرسے قدم رکھا ہے لیکن جس تیزی سے یہ لوگ آگے بڑھ رہے ہیں، اس کودیکھتے ہوئے ہمارے پڑوسی ملک سمیت بہت سے ممالک کی فلم انڈسٹریاں پریشان ہونے لگی ہیں۔