پاکستان میں ٹیلنٹ کی کوئی کمی نہیں، گلوکارہ حدیقہ کیانی

لاہور(اُردو پوائنٹ اخبارتازہ ترین - آئی این پی۔22 اپریل۔2016ء)نامور گلوکارہ حدیقہ کیانی کا کہنا ہے کہ پاکستان میں ٹیلنٹ کی کوئی کمی نہیں، آئی این پی سے خصوصی گفتگو کرتے ہوئے حدیقہ کیانی کا کہنا تھا کہ ہمارے ملک میں ٹیلنٹ تو بہت زیادہ ہے لیکن کوئی مناسب پلیٹ فارم موجود نہیں ہے جہاں اس ٹیلنٹ کو مواقع فراہم کرکے ان کے فن میں مزید نکھار پیدا کیا جا سکے۔

(جاری ہے)

گلوکارہ کا کہنا تھا کہ اب حالات ایسے نہیں رہے کہ کوئی بھی گلوکار اپنی البم نکال سکے جب ملک کے حالات ہی نامناسب ہوں تو پھر کوئی فنکار بھی ایسا چانس نہیں لے گا جس میں پیسہ ضائع ہونے کا خطرہ ہو۔