صبا قمر کی 'ہندی میڈیم' کی نئی جھلک

کراچی (اُردو پوائنٹ اخبارتازہ ترین - آن لائن۔ 05 جنوری2017ء) پاکستانی اداکارہ صبا قمر اپنے ملک میں کئی کامیاب ڈراموں اور فلموں کا حصہ بننے کے بعد بہت جلد بولی وڈ میں فلم 'ہندی میڈیم' کے ساتھ ڈیبیو کرتی نظر آئیں گی۔فلم میں صبا قمر کے ہمراہ معروف بولی وڈ اداکار عرفان خان مرکزی کردار ادا کرتے نظر آئیں گے، جنہوں نے سماجی رابطے کی ویب سائٹ ٹوئٹر پر صبا قمر کے ہمراہ فلم کی ایک جھلک تصویر کی صورت میں شیئر کی۔

(جاری ہے)

اس تصویر میں صبا قمر ایک رکشہ میں بیٹھی شرما رہی ہیں، جبکہ عرفان خان اس رکشے کو چلا رہے ہیں۔فلم رومانوی اور کامیڈی کہانی پر مبنی ہے جس میں عرفان خان شوہر جبکہ صبا قمر بیوی کا کردار ادا کرتی نظر آئینگیفلم چاندی چوک میں رہائش پذیر ایک ایسے جوڑے کے بارے میں ہے، جو دہلی منتقل ہونا چاہتا ہے۔ساکت چوہدری کی ہدایات میں بننے والی فلم 'ہندی میڈیم' رواں سال 31 مارچ کو سینما گھروں میں نمائش کے لیے پیش کی جائے گی۔