سلمان خان نے کمٹمنٹ کے آگے اپنی بیماری کو بھی نہ دیکھا

ممبئی(اُردو پوائنٹ اخبارتازہ ترین - آئی این پی۔ 06 دسمبر2017ء) بالی ووڈ دبنگ سلمان خان گلے کی خرابی اور وائرل بخار کے باوجود کام میں جتے ہوئے ہیں۔بھارتی میڈیا رپورٹس کے مطابق سلمان خان گلے کے وائرل انفیکشن میں مبتلا ہیں جس کے باعث انہیں بولنے میں شدید پریشانی کا سامنا ہے جب کہ اس کے ساتھ ساتھ انہیں بخار بھی ہے جس کی وجہ سے ڈاکٹرز نے انہیں آرام کا مشورہ دیا ہے۔

(جاری ہے)

لیکن دبنگ خان نے اپنی کمٹمنٹ کے باعث بیماری کو پس پشت ڈال دیا ہے اور کئی پروجیکٹ میں مصروف ہیں۔سلمان خان کا ایوارڈ شو کی تقریب میں میڈیا سے بات چیت کرتے ہوئے کہنا تھا کہ انہیں وائرل بخار ہوگیا ہے لیکن اس کے باوجود بھی آرام کا وقت نہیں مل رہا۔انہوں نے بتایا کہ وہ انٹر نیشنل فلم فیسٹول انڈیا میں شرکت کے لیے گوا گئے جہاں سے براستہ دہلی واپس آتے ہی ممبئی میں بگ باس اور ٹائیگر زندہ ہے کی وائس ریکارڈنگ میں مصروف ہوگئے۔