Hollywood Ke Shaboroz
ہالی وڈ کے شب و روز
فلمی سلسلے ہیری پوٹر کی اداکارہ ایما واٹسن اپنے پرستاروں کے ساتھ سیلفی بنانا پسند نہیں کرتیں۔
منگل 13 نومبر 2018
شاذیہ سعید
ایما واٹسن کو سیلفی پسند نہیں
فلمی سلسلے ہیری پوٹر کی اداکارہ ایما واٹسن اپنے پرستاروں کے ساتھ سیلفی بنانا پسند نہیں کرتیں۔ایما واٹسن نے ایک برطانوی جریدے کو انٹرویو دیتے ہوئے کہا کہ ان کے لئے پبلک اور پرائیویٹ زندگی کے درمیان فاصلہ رکھنا بہت ضروری ہے لیکن ان کے پرستار ان سے اس بات سے شاکی رہتے ہیں کہ وہ ان کے ساتھ سیلفی نہیں بنواتیں۔
(جاری ہے)
آسکر میں غلطی پر جان سے مارنے کی دھمکیاں
آسکرزایوارڈ کی تقریب میں اعزازات کی تقسیم کے لفافوں کی ذمہ دارجوڑے کو سوشل میڈیا پرجان سے مارنے کی دھمکیاں ملنے کے بعد ذاتی محافظ فراہم کردیے گئے۔اناسی ویں آسکر ایوارڈ کی تقریب میں بہترین فلم کی کیٹگری میں غلطی سے فلم ’’مون لائٹ‘‘ کی جگہ ’’لالالینڈ‘‘کا نام اناؤنس کیا گیا تھا ، جس کے بعد منتظمین نے کچھ دیر بعد غلطی درست کر لی تھی مگر اعزازات کی تقسیم کے لفافوں کی ذمہ دارجوڑے کو سوشل میڈیا پرجان سے مارنے کی دھمکیاں ملنے لگیں۔غلطی کے ذمہ داراکاؤنیٹسی فرم پی ڈبلیو سی کے ملازمین تھے جنوں نے لفافوں کو غلط انداز میں منظم کرنے پر معافی تو اسی روز مانگ لی تھی لیکن ناراض فلمی پرستاروں کا غصہ کم نہ ہوا اور سوشل میڈیا پر بریئن اور مارتھا کو جان سے مارنے کی دھمکیاں ملنے لگیں۔پی ڈبلیو سی نے دونوں سلیبرٹیز کے گھروں پر سکیورٹی تعینات کرتے ہوئے انہیں ذاتی محافظ فراہم کر دیئے۔ ساتھ ہی آئندہ سال آسکر میں ذمہ داری نہ دینے کا اعلان بھی کردیا۔
لنڈسے نے اسلام قبول نہیں کیا
ہالی ووڈ اداکارہ لنڈ سے لوہن نے کہا ہے کہ وہ قرآن پاک کا مطالعہ کررہی ہیں۔ قرآن کو پڑھتے ہوئے ان کو تسکین حاصل ہوتی ہے تاہم انہوں نے اسلام قبول نہیں کیا۔کویت میں ایک ٹاک شو میں شریک لنڈ سے لوہن نے ٹاک شو میں برملا کہا کہ انہوں نے اسلام قبول نہیں کیا لیکن وہ قرآن پاک کا مطالعہ کررہی ہیں جس کی وجہ سے انہیں تسکین اور تحفظ کا احساس ہوتا ہے۔انہوں نے کہا کہ میری ہر گز یہ نیت نہ تھی کہ میں کسی ایسی مذہبی کتاب کو پڑھوں جو مجھے مذہب تبدیل کرنے کا کہے لیکن امریکیوں کو یہ پسند نہیں آیا اور وہ مجھے برا بھلا کہنے لگ گئے۔30 سالہ لنڈ سے نے کہا کہ انہوں نے قرآن پاک کے 15 صفحے انگریزی ترجمے والے پڑھے ہیں اور اکثر کوشش کرتی ہے کہ ان کو عربی میں بھی پڑھ سکے اور بعض دفعہ اپنے موبائل فون پر ایک ایپ کے ذریعے اس کی تلاوت سنتی ہوں۔پروگرام کے میزبان نے ان سے سوال کیا کہ جب آپ تلاوت سنتی ہیں تو آپ کو کچھ خاص محسوس ہوتا ہے تو لنڈ سے نے کہا جی ہاں سکون ملتا ہے۔ لنڈ سے کو حال ہی میں استنبول میں حجاب پہنے بھی دیکھا گیا، جس کے بارے میں سوال پراداکارہ نے کہا کہ وہ اسلامی طرز زندگی کا تجربہ کرتے ہوئے روزہ تک رکھنے کی کوشش کرتی ہیں۔ انہوں نے بتایا کہ کویت میں اپنے ایک دوست کے ساتھ انہوں نے تین روزے رکھے ہیں اوران کے لئے یہ تجربہ خاصاخوشگواررہا۔
آرنلڈ شوازنیگرنے شو چھوڑ دیا
ہالی ووڈ اداکار آرنلڈ شوازنیگرنے امریکی ٹی وی پر چلنے والے رئیلیٹی شو ’’دی سیلیبریٹی اپرینٹس‘‘ کی میزبانی چھوڑتے ہوئے اس کی وجہ امریکی صدر ڈونلڈ ٹرمپ کو قرار دیا ہے۔آرنلڈ شوازنیگر پچھلے دو سال سے امریکی ٹی وی چینل این بی سی کے رئیلیٹی شو ’’دی سیلیبریٹی اپرینٹس‘‘ کے میزبان تھے لیکن گزشتہ چند ہفتوں سے انہیں ڈونلڈ ٹرمپ کی جانب سے شدید تنقید کا سامنا تھا جن کا کہنا تھا کہ اس شو کی ریٹنگ میں کمی کی وجہ آرنلڈ شوارزنیگر ہیں۔شوارزنیگر کا کہنا ہے کہ انہیں اس شو میں کام کرنے پر کوئی اعتراض نہیں لیکن کیونکہ امریکی صدر ڈونلڈ ٹرمپ خود ہی اس کے ایگزیکٹیو پروڈٰوسر بھی ہیں اس لئے پروگرام میں مزید کام نہیں کرناچاہتے۔واضح رہے کہ گزشتہ ماہ امریکی صدر نے ایک تقریب میں دی سیلیبریٹی اپرینٹس کی گرتی ہوئی ریٹنگ کا ذمہ دار آرنلڈ شوارزنیگر کو ٹھہرایا تھا جس کے جواب میں آرنلڈ نے اپنی ایک ویڈیو ٹویٹ میں کہا کہ اگر ٹرمپ خود کو واقعی درست سمجھتے ہیں تو وہ ان کی جگہ اس پروگرام کی میزبانی سنبھال لیں اور وہ امریکی صدر بن جاتے ہیں تاکہ سب لوگ سکون سے رہ سکیں۔ ڈونلڈ ٹرمپ خود بھی ماضی میں ہالی ووڈ فلم انڈسٹری میں کام کرنے کے علاوہ ورلڈ ریسلنگ فیڈریشن (موجودہ ڈبلیو ڈبلیو ای) سے بھی وابستہ رہ چکے ہیں جہاں ان کا نام ہال آف فیم میں شامل کیا گیا ہے۔
Browse More Articles of Hollywood
ڈراونی فلمیں، لوگوں کی پسند،خوف اور ڈراونی فلمیں دیکھنے کے فوائد
Daraoni Filmain
92ویں آسکر ایوارڈز 2020
92 Oscars Awards 2020
بافٹا ایوارڈز”1917“ نے میلہ لوٹ لیا
Bafta Award 1917 Ne Meela Loot Liya
جنوبی کوریائی فلم پیرا سائیٹ نے تاریخ رقم کردی
South Korean Movie Perasite Ne Tareekh Raqam Kar Di
دنیا کی خوبصورت ترین خواتین
Dunya Ki Khobsorat Tareen Khawateen
جینیفر لارنس
Jennifer Lawrence
” گیم آف تھرونز“پھر تخت نشیں
Game of thrones phir takhat nasheen
کرسٹن سٹیورٹ خوبصورتی کا استعارہ
kristen stewart - Khobsorti Ka Isteara
جینیفر اینسٹن
jennifer aniston
جینیفر لارنس اب”موب گرل “بنیں گی
jennifer lawrence ab mob girl banain gi
ہاررفلمیں کئی افراد کی قاتل
Horror Filmain Kayi Afrad Ki Qatil
سکارلیٹ جوہانسن
Scarlett Johansson
Famous Showbiz Stars
Michelle Trachtenberg
nicolas cage
Faizan Khawaja
Dharmendra
Shabnam
Josh Hartnett
Paula Patton
Naseebo Lal
Rashid Mehmood
Farzana Tehreem
Sajjad Kishwar
Kajal Aggarwal
Showbiz News In Urdu
-
ج* علی رحمن کاہالی ووڈ اداکار رائن گوزلنگ سے موازنے پر خوشی کا اظہار
-
oماہرہ خان کے فوٹو شوٹ نے فیشن کی دنیا میں تہلکہ مچا دیا
-
غ*شائقین انتظار کریں ،میرا اور یو یو ہنی سنگھ کا گانا جلد ریلیز ہوگا،مہوش حیات
-
sماں آپ شادی کب کر رہی ہیں ملائیکا اروڑہ سے بیٹے کا سوال
-
iپریانکا چوپڑا فلم کی شوٹنگ کے دوران ایک بار پھر زخمی
-
}حملہ آوروں نے سلمان خان کی رہائش گاہ پر فائرنگ کا مقصد بتادیا
-
ڑ*معروف گلوکار اے پی ڈھلوں کو کنسرٹ کے دوران اپنا گٹار توڑنا مہنگا پڑ گیا
-
جلد ماں بننے والی دیپیکا پڈوکون آج کل سلائی کڑھائی میں مصروف