شہنشاہِ جذبات دلیپ کمار95 برس کے ہوگئے

ممبئی (اُردو پوائنٹ اخبارتازہ ترین - آئی این پی۔ 11 دسمبر2017ء) فن کی دنیا کے شہنشاہ یوسف خان المعروف دلیپ کمار 94سال کے ہوگئے۔ دلیپ کمار دسمبر 1922 کو پاکستان کے شہر پشاورمیں پیدا ہو ئے۔

(جاری ہے)

انہوں نے اپنے طویل فلمی کیرئیر کے دوران ،مغل اعظم،ملن، جگنو، شہید، ندیاکے پار، اندازجوگن، بابل، آرزو، ترانہ ،دیوداس، نیادور،مشعل سمیت کئی شاہکار فلموں میں عمدہ اداکاری کے جوہر دکھائے، 1960 میں تاریخی فلم "مغلِ اعظم" میں شہزادہ سلیم کا کرداران کی زندگی کایادگارکرداربن گیا۔

انہوں نے ہرقسم کے کردارانتہائی مہارت اورخوبصورتی سے نبھائے، لیکن مکالموں کی مخصوص لہجے میں ادائیگی کے سبب انہیں کنگ آف ٹریجڈی کے اعزازسے نوازاگیا۔ دلیپ کمارکی فنی خدمات کے پیش نظر انہیں بھارتی حکومت کی جانب سے پدما بھوشن ، دادا صاحب پھالکے ایوارڈز عطا کیے گئے، جبکہ اپنی شانداراداکاری پربے شماربھی ایوارڈزجیتے۔ 1998ء میں فلم کنارہ میں کام کرنے کے بعد دلیپ کمار نے فلمی دنیا سے کنارہ کشی اختیار کرلی۔