پروین رحمان کی زندگی پر مبنی فلم نے عالمی ایوارڈ جیت لیا

پروین رحمان کی زندگی پر مبنی فلم نے عالمی ایوارڈ جیت لیا

پروین رحمن کو 5سال قبل 13مارچ 2013کو کراچی میں ٹارگٹ کلنگ کا نشانہ بنایا گیا تھا

منگل مارچ 11:47 am
کراچی(اُردو پوائنٹ اخبارتازہ ترین۔ 13 مارچ2018ء) کراچی کی معروف سماجی کارکن پروین رحمن کی زندگی اور جدوجہد پر بنی ڈاکیومینٹری فلم نے عالمی ایوارڈ اپنے نام کرلیا۔پروین رحمن کی زندگی پر ڈائریکٹر مہرا عمر کی جانب سے بنائی گئی ڈاکیومینٹری فلم پروین رحمن دی ربل اپٹیمسٹ نے نیپال میں ہونے والے ہیومن رائٹس انٹرنیشنل فلم فیسٹیول میں ایوارڈ اپنے نام کیا جب کہ اس فلمی میلے میں دنیا بھر کے 60سے زائد ملکوں کی جانب سے ڈاکیومینٹری فلمیں پیش کی گئیں۔

ہیومن رائٹس انٹرنیشنل فلم فیسٹیول کا اختتام 10مارچ کو ہوا جہاں پروین رحمن کی زندگی پر بنی ڈاکیومینٹری فلم پیش کی گئی کھٹمنڈو میں ہونے والی فلم فیسٹیول میں 67منٹ پر مبنی

خبر کی مزید تفصیل پڑھئیے

پروین رحمن کی زندگی پر بنائی گئی فلم کی خصوصی اسکریننگ کی گئی جس کے بعد جیوری نے فلم کے لیے عالمی ایوارڈ کا اعلان کیا۔

(خبر جاری ہے)

پروین رحمن کی زندگی پر بنی فلم کو نان فکشن ڈاکیومینٹری کی کیٹیگری میں ایوارڈ دیا گیا۔ فلم میں پروین رحمن کی زندگی ان کی جانب سے بے خوف کراچی میں کی جانے والی سماجی خدمات انھیں درپیش مشکلات سمیت انھیں لاحق خطرات کو دکھایا گیا ہے۔خیال رہے کہ پروین رحمن کو 5سال قبل 13مارچ 2013کو کراچی میں ٹارگٹ کلنگ کا نشانہ بنایا گیا تھا۔