برطانیہ ، ایم آئی فائیو کے سابقہ ایجنٹ کے لیڈی ڈیانا کو قتل کرنے کا انکشاف

لندن (اُردو پوائنٹ اخبارتازہ ترین - آن لائن۔ 21 جون2017ء) برطانوی انٹیلی جنس ادارے ایم آئی فائیو کے سابقہ ایجنٹ نے لیڈی ڈیانا کو قتل کرنے کا انکشاف کیا ہے۔ ایک برطانوی نیوز ویب سائٹ کے مطابق 80سالہ جان ہاپکنز نامی ایم آئی فائیو ایجنٹ نی1973ء سی1999ء کے درمیان لیڈی ڈیانا سمیت 23افراد کو قتل کرنے کا انکشاف کیا ہے۔ اس بارے میں گفتگو کرتے ہوئے ہاپکنز نے بتایا ہے کہ انہوں نے جتنے افراد کو قتل کیا ان میں ڈیانا ہی صرف خاتون تھیں اور سب سے مختلف بھی تھیں۔

جب کہ وہ شاہی خاندان کی واحد فرد تھیں جن کے قتل کا آرڈر شاہی خاندان نے ہی دیا تھا۔ انہوں نے کہا کہ انہیں ڈیانا جیسی نرم دل اور خوبصورت انسان کو قتل کر کے دکھ محسوس ہوا تھا مگر قتل کرنا مجبوری تھی کیونکہ ڈیانا نے برطانوی بادشاہت کو خطرے میں ڈال دیا تھا۔

(جاری ہے)

انہوں نے کہا کہ اتنے سالوں بعد وہ یہ انکشاف اس لئے کر رہے ہیں کیونکہ اب ان کی زندگی چند دن کی مہمان ہے اور وہ کبھی بھی دارِ فانی سے کوچ کر سکتے ہیں۔

انہوں نے اس حوالیس ے مزید انکشاف کرتے ہوئے بتایا کہ ڈیانا کو قتل کرنے کے بعد میڈیا کو ایک پیج پر لانا تھا جو کہ انتہائی کامیابی سے آپریٹ کیا گیا۔ ہاپکنز کا کہنا تھا کہ برطانیہ میں آزاد میڈیا کا کوئی وجود نہیں۔ ہاپکنز نے کہا کہ اب اتنے سالوں بعد یہ راز افشاں کرنے پر انہیں گرفتار کیا جا سکتا ہے۔ مگر انہیں اس کی پرواہ نہیں۔ یہ ایک بہت پیچیدہ کیس ہے جو ساری عمر چل سکتا ہے کیونکہ اس کیس کا مرکزی گواہ اور میرا باس 2000کے اوائل میں انتقال کر گئے تھے جبکہ اس منصوبے کے ماسٹر مائینڈ شہزادہ فلپ کو کبھی بھی سزا نہیں دی جائے گی۔