پاکستان فلم انڈسٹری میں تین دہائیاں گزرنے کے باوجود سینئر اداکاروں کا متبادل سامنے نہ آسکا

لاہور (اُردو پوائنٹ اخبارتازہ ترین - این این آئی۔ 04 اگست2017ء) پاکستان فلم انڈسٹری میں تین دہائیاں گزرنے کے باوجود سینئر اداکاروں کا متبادل سامنے نہ آسکا۔ تفصیلات کے مطابق فلم انڈسٹری میں ریڑھ کی ہڈی کا کردار ادا کرنے والے اداکاروں لالہ سدھیر ، یوسف خان ، اسلم پرویز ، محمد علی ، ندیم ، وحید مراد ، سنتوش ، درپن ، سلطان راہی ، مصطفی قریشی ، الیاس کشمیری ، غلام محی الدین ، منور ظریف ، ننھا ، لہری ، علی اعجاز ، رنگیلا ، شمیم آراء ، صبیحہ خانم ، نیئر سلطانہ ، بہار بیگم ، زیبا ، نشو ، دیبا ، سنگیتا ، بابرہ شریف ، شبنم ، کویتا، نیلی ، انجمن ، ممتاز ، نغمہ ، فردوس سمیت دیگر اداکار شامل ہیں جن کا تین دہائیاں گزرنے کے باوجود بھی کوئی متبادل تلاش نہ کیا جا سکا۔

ان اداکاروں میں صبیحہ خانم ، سنتوش ، نیئر سلطانہ ، درپن ، محمد علی ، زیبا ، ندیم ، شبنم ، وحید مراد ، شمیم آراء ، دیبا ، مصطفی قریشی ، آسیہ ، انجمن ، نیلی کی کامیاب فلمی جوڑیاں بھی دوبارہ فلم انڈسٹری میں نہ بن سکیں ۔

(جاری ہے)

فلم انڈسٹری کے حلقوں کا کہنا ہے کہ ان سینئر اداکاروں ، ہدایتکاروں ، نغمہ نگاروں اور موسیقاروں کے نکل جانے کے بعد فلم انڈسٹری لاوارث ہو گئی اور کسی نے سنجیدگی سے ان کے متبادل تلاش کرنے کی کوشش بھی نہیں کی اور یہی وجہ ہے کہ آج فلم انڈسٹری اور خاص طور پر پنجابی فلم بحرانی کیفیت سے دوچار ہے ، اگر کم از کم 10سال پہلے ان سینئرز کے متبادل تلاش کر لیے جاتے تو آج فلم انڈسٹری کے حالات بہتر ہوتے۔