معروف اداکار گوہر رشید نے وزیراعظم کی تقریب حلف برداری میں مہمان خصوصی کے طورپر جمائما خان کو مدعو کرنے کی درخواست کردی

اسلام آباد (اُردو پوائنٹ اخبارتازہ ترین - این این آئی۔ 30 جولائی2018ء) کستان میں عام انتخابات کے بعد تحریک انصاف کو اکثریت مل گئی ہے اور اب پارٹی چیئرمین عمران خان پاکستان کے نئے وزیراعظم بننے جارہے ہیں اور وہ ممکنہ طورپر ڈی چوک میں حلف اٹھانے کی بھی خواہش رکھتے ہیں لیکن ایسے میں پاکستانی اداکار گوہر رشید نے حکومت سے ایسا مطالبہ کردیا جو شاید بشریٰ بی بی کو پسند نہ آئے ۔

پاکستانی اداکار گوہررشید نے وزارت خارجہ سے استدعا کی ہے کہ تقریب حلف بردار ی میں شکریئے کے طورپر عمران خان کی سابق اہلیہ جمائما گولڈ سمتھ کو بھی مدعو کیا جائے ۔ مائیکروبلاگنگ ویب سائٹ پر گوہر رشید ن ے لکھا کہ ’ میری وزارت خارجہ سے عاجزانہ درخواست ہے کہ مہربانی کرکے پاکستان کے نئے وزیراعظم عمران خان کی تقریب حلف برداری میں مس جمائما خان کو مہمان خصوصی کے طورپر مدعو کیا جائے ، مزید لکھا کہ ’ہم تمام بہت سی وجوہات پر ان کا شکریہ ادا کرناچاہتے ہیں اور یہ ایک مخلص دوست کو بہترین خراج تحسین ہوگا۔

(جاری ہے)

ضرور پڑھیں:الیکشن میں جیت کے بعد تحریک انصاف اور شیخ رشید میں شدید لڑائی شروع ہو گئی کیونکہ۔۔۔ وجہ جان کر آپ کو بھی بے حد حیرت ہو گئی۔اس تجویز کو عوام میں بھی پذیرائی ملے گی اور لوگوں کا خیال ہے کہ یہ بہترین آئیڈیا ہے تاہم کچھ لوگوں کا خیال ہے کہ جمائما خان کو مدعو کرنا عمران خان کی موجودہ بیگم بشریٰ بی بی کے جذبات کو مجروح کرنے کے مترادف ہے ۔