طویل انتظار اور کئی ماہ کی تاخیر کے بعد بالآخر بھارت کی سب سے مہنگی فلم پوائنٹ ٹو زیرو کا اکشے کمار اور رجنی کانت کی فائیٹ کا ٹیزر جاری کردیا

طویل انتظار اور کئی ماہ کی تاخیر کے بعد بالآخر بھارت کی سب سے مہنگی ..
ممبئی(اُردو پوائنٹ اخبارتازہ ترین۔ 13 ستمبر2018ء) طویل انتظار اور کئی ماہ کی تاخیر کے بعد بالآخر بھارت کی سب سے مہنگی فلم پوائنٹ ٹو زیرو کا اکشے کمار اور رجنی کانت کی فائیٹ کا ٹیزر جاری کردیا گیا، جو شائقین کو متاثر کرنے میں ناکام رہا۔پوائنٹ ٹو زیرو کے ٹیزر کو جاری کرنے کے حوالے سے کچھ ہفتے قبل ہی اعلان کیا گیا تھا اور شائقین کو اس کا بے حد انتظار تھا۔

اس فلم کو بھارت کی مہنگی ترین فلم قرار دیا جا رہا ہے، جو قریبا 540 کروڑ بھارتی روپے کے بجٹ سے بنی ہے۔اس فلم کو جہاں بھارت کی مہنگی ترین فلم کہا جا رہا ہے، وہیں اس میں استعمال کی گئی ٹیکنالوجی کو بھی کئی ہولی وڈ فلموں میں استعمال کی گئی ٹیکنالوجی سے بہتر کہا جا رہا ہے اور یہ دعوی بھی کیا جا رہا ہے کہ اس سائنس فکشن فلم کو بنانے کے لیے دنیا بھر کے 3 ہزار کریئیٹو اور تکنیکی ماہرین کی خدمات بھی حاصل کی گئی۔

(جاری ہے)

یہ فلم بھارت کی 2010 میں ریلیز ہونے والی فلم روبوٹ کا سیکوئل ہے، جس میں پہلی بار اکشے کمار ہیرو سے بھی زیادہ خطرناک ولن کے کردار میں نظر آئیں گے۔ہدایت کار شنکر کی اس کے ڈیڑھ منٹ کے ٹیزر میں اکشے کمار اور رجنی کانت کی فائیٹ کو دکھا گیا ہے، تاہم ٹیزر دیکھ کر اندازہ ہوتا ہے کہ اس بار بھی فلم میں رجنی کانت ڈبل کرداروں میں نظر آئیں گے۔

فلم کے ٹیزر میں دکھایا گیا ہے کہ اچانک ہی اچانک عوام کے ہاتھوں سے موبائل فونز اڑ کر کہیں غائب ہوجاتے ہیں، جس وجہ سے لوگوں کو پریشان دکھایا گیا ہے۔ٹیزر میں موبائل فونز اڑ کر غائب ہونے سے شہر بھر میں پھیلتی تباہی پر حکومت اور پولیس انتظامیہ کو متحرک دکھایا گیا ہے۔ٹیزر میں دیکھا جاسکتا ہے کہ خطرناک ولن اکشے کمار کا مقابلہ کرنے کے لیے 2010 میں ریلیز ہونے والی فلم روبوٹ میں تلف کیے گئے رجنی کانت کے روبوٹ کو دوبارہ ایکٹو کرکے اسے اکشے کمار کے مقابلے کے لیے تیار کیا جاتا ہے۔ٹیزر میں رجنی کانت اور اکشے کمار کو ایک دوسرے سے لڑتے اور تباہی پھیلاتے دکھایا گیا ہے۔

مزید متعلقہ خبریں پڑھئیے‎ :

وقت اشاعت : 13/09/2018 - 21:58:51

Your Thoughts and Comments