کامیڈی فلم ونڈر پارک کا نیا ٹریلرجاری

لاس اینجلس (اُردو پوائنٹ اخبارتازہ ترین - این این آئی۔ 16 اکتوبر2018ء) ہالی وڈ کی کامیڈی سے بھرپور نئی کمپیوٹر اینیمیٹیڈ فلم ونڈر پارک کانیا ٹریلر جاری کر دیا گیا ۔میڈیارپورٹ کے مطابق جوش ایپل بوام اور اینڈری نیمک کی مشترکہ پروڈکشن میں بننے والی اس فلم کی کہانی ایک ایسی بچی اور اس کے دوستوں کے گرد گھوم رہی ہے جو نت نئی رائیڈز کی شوقین ہوتے ہیں اور ایک ایسے جادوئی امیوزمنٹ پارک میں پہنچ جاتے ہیں جہاں ایک نئی دنیا اس کا انتظار کر رہی ہوتی ہے ۔

جنگل بیاباں میں موجود اس ونڈر لینڈ میں ان دوستوں کے آتے ہی جیسے زندگی لوٹ آتی ہے اور دیکھتے ہی دیکھتے یہ جادوئی ونڈر پارک جگمگ کرنے لگتا ہے جہاں ہوائوں میں اڑتی رولر کوسٹر ،دیوہیکل فیرس وہیلز، ٹریک کے بغیر اڑتی ٹرین اور ایسی ایسی رائیڈز اس بچی کو حیران کر دیتی ہیں ۔

(جاری ہے)

جادو کے زیر اثر حیرت انگیز حیرت انگیز ونڈر پارک پربننے والی ایڈونچر سے بھرپور اس کامیڈی فلم کی مختلف اینیمیٹیڈ کرداروں کے ڈائیلاگ معروف ہالی وڈ اداکارملا کیونس،جنیفیر گارنز،کین ہڈسن ،جان اولیور،کین جیونگ،صوفیہ مالی ،کیون چیمبر لن ،بریانا ڈینسکی اورنوربرٹ لیو برٹز کی آوازوں میں ریکارڈ کئے گئے ہیں۔

100ملین ڈالر لاگت سے بننے والی کامیڈی اور ایڈونچر سے بھرپور یہ فلم پیرا مائونٹ پکچرز کے تحت 15مارچ 2019کو سنیما گھروں میں نمائش کیلئے پیش کی جائیگی۔