بالی ووڈ ادکارہ انوشکا شرما کا مجسمہ مادام تساؤ میوزیم کی زینت بنادیا گیا

لندن، ممبئی (اُردو پوائنٹ اخبارتازہ ترین - آن لائن۔ 19 نومبر2018ء) بالی ووڈ ادکارہ انوشکا شرما کا مجسمہ مادام تساؤ میوزیم کی زینت بنادیا گیا۔انوشکا شرما کا مجسمہ لندن اور دہلی کے بجائے سنگاپور کے مادام تساؤ میوزیم میں 19 نومبر کو رکھ دیا گیا۔ مادام تساؤ میوزیم کی جانب سے جاری کردہ بیان میں کہا گیا ہے کہ انوشکا شرما کا مجسمہ ایک موبائل فون تھامے ہوئے ہوگا جو ا?تے جاتے افراد کے ساتھ سیلفی لیتا نظر ا?ئے گا۔

(جاری ہے)

یہ پہلا موقع ہے کہ انوشکا شرما کا مجسمہ دنیا کے معروف میوزیم میں سجایا گیا ہے، علاوہ ازیں ان کے مجسمے کو سیاحوں اور مداحوں کے لیے توجہ کا مرکز بنانے کے لیے اسے جدید ٹیکنالوجی کے ساتھ ا?راستہ کیا گیا ہے۔اداکارہ کی طرح ہنستا مسکراتا دیدہ زیب کپڑے پہنا ہوا انوشکا شرما کا مجسمہ اس وقت از خود سیلفی لے لیتا ہے، جب کوئی سیاح یا مداح اس کے پاس جاتا ہے۔اداکارہ کا مجسمہ اس قدر دیدہ زیب بنایا گیا ہے کہ ان میں اصل انوشکا شرما میں فرق کرنا مشکل ہے۔اپنے مجسمے کی تقریب رونمائی کے موقع پر انوشکا شرما بھی مادام تساؤ میوزیم میں موجود تھیں اور خود اپنے ہی مجسمے کے ساتھ سیلفی کھچواتی نظر آئیں۔۔