ایوینجرز اینڈ گیم کا ایک اور ٹریلر ریلیز‘فلم 26کو ریلیز ہو گی

ٹریلر میں سب سے بڑا انکشاف آخر میں نظر آتا جب کیپٹن مارول کو پہلی بار ایوینجرز کیساتھ دکھایا جاتا ہے

جمعہ مارچ 11:43

ایوینجرز اینڈ گیم کا ایک اور ٹریلر ریلیز‘فلم 26کو ریلیز ہو گی
نیویارک (اُردو پوائنٹ اخبارتازہ ترین۔ 15 مارچ2019ء) ایوینجرز انفٹنی وار کی گزشتہ سال اپریل میں ریلیز کے بعد سے ہی لوگ اس فلم کے اگلے حصے کے منتظر ہیں اور اب اس کا ایک اور ٹریلر ریلیز کردیا گیا ہے۔عام طور پر لوگوں کو کسی فلم کی ریلیز کا انتظار ہوتا ہے مگر مارول اور ڈزنی اسٹوڈیو نے ایوینجرز 4 کے حوالے سے مداحوں کو اتنا بے تاب کیا کہ انہیں کئی ماہ تک ٹریلر اور اس کے ٹائٹل کا انتظار کرنا پڑا جو گزشتہ سال دسمبر میں سامنے آئے۔

اب اس فلم کا دوسرا مکمل اور ممکنہ طور پر آخری ٹریلر جاری کیا گیا ہے جس میں مارول سینماٹک یونیورس کے ماضی کی جھلکیوں کے ذریعے لوگوں کے اشتیاق کو مزید بڑھایا گیا ہے۔ٹریلر میں فلم کی کہانی کے بارے میں کچھ زیادہ نہیں دکھایا گیا بلکہ پرانی فوٹیج میں چند نئے مناظر کا اضافہ کیا گیا ہے، مگر کچھ اشارے بھی دیئے گئے ہیں۔

(جاری ہے)

اس نئے ٹریلر کا آغاز آئرن مین ٹوی اسٹارک سے ہوتا ہے جو انفٹنی وار کے بعد سے خلا میں بھٹک رہا ہے اور اپنی منگیتر کے نام ایک پیغام پڑھ رہا ہوتا ہے جو کہ پہلی آئرن مین فلم سے متاثر محسوس ہتا ہے۔

یہی عمل کیپٹن امریکا کے ساتھ ہوتا ہے اور اس کردار کی پہلی فلم کی جھلکیوں سے موجودہ دور کو دکھایا جاتا ہے۔مگر ٹریلر میں سب سے بڑا انکشاف آخر میں نظر آتا جب کیپٹن مارول کو پہلی بار ایوینجرز کے ساتھ دکھایا جاتا ہے جبکہ اس ٹریلر میں آنٹ مین، کیپٹن امریکا اور آئرن سمیت دیگر ہیروز کو کوانٹم ریلیم میں دکھایا گیا جو نئے کاسٹیوم کو زیب تن کیے ہوتے ہیں۔ایوینجرز اینڈ گیم 26 اپریل کو ریلیز کی جارہی ہے جس میں رابرٹ ڈائونی جونیئر، کرس ایونز، کرس ہیم ورتھ، مارک روفالو، اسکارلٹ جونسن، جرمی رنر، بری لارس اور دیگر شامل ہیں۔

مزید متعلقہ خبریں پڑھئیے‎ :

وقت اشاعت : 15/03/2019 - 11:43:39

متعلقہ عنوان :

Your Thoughts and Comments