اسامہ آپریشن پر بنائی گئی فلمزیرو ڈارک تھرٹیکا مکمل ٹریلر جاری

لاس اینجلس (اُردوپوائنٹ اخبارتازہ ترین، آئی این پی ۔16اکتوبر 2012ء) فلم ہرٹ لاکر سے بہترین اداکارہ کا آسکر ایوارڈ جیت کر شہر ت کی بلندیوں پر پہنچنے والی کیتھرین بگلو کی اسامہ بن لادن آپریشن پر بنائی گئی فلم\"زیرو ڈارک تھرٹی\"کا پہلامکمل ٹریلر جاری کردیا گیا ہے۔

(جاری ہے)

2مئی2011کو پاکستانی شہر ایبٹ آباد میں رات کی تاریکی میں کیے گئے30منٹ کے آپریشن کی عکاسی کرتی اس فلم زیرو ڈارک تھرٹی (Zero Dark Thirty)کا اسکرین پلے بھی ہرٹ لاکر کی طرح مارک بول نے تحریر کیا ہے۔

ایبٹ آباد آپریشن کے گرد گھومتی فلم زیرو ڈارک تھرٹی میں مارک اسٹرانگ،Jessica Chastain،جیسن کلارک ،جوئل ایجرٹن اور کرس پیٹ سمیت کئی ہالی ووڈ اداکار اہم کردارادا کررہے ہیں ۔کولمبیا اور یونیورسل پکچرز کے تحت کیتھرین اور مارک بول کی پروڈیوس کردہ یہ فلم19دسمبر کو دنیا بھر کے سینما گھروں میں نمائش کے لیے پیش کردی جائیگی۔