ڈرامہ’ ’عہدِ وفا‘‘ رواں ماہ 22 ستمبر جا نشر کیا جائے گا

زارا نور عباس، علیزے شاہ، حاجرہ یامین اور ونیزہ احمد بھی مرکزی کردار ادا کرتی نظر آئیں گی

جمعرات 12 ستمبر 2019 11:54

ڈرامہ’ ’عہدِ وفا‘‘ رواں ماہ 22 ستمبر جا نشر کیا جائے گا
کراچی(اُردو پوائنٹ اخبارتازہ ترین - این این آئی۔ 12 ستمبر2019ء) ڈرامہ’ ’عہدِوفا‘‘کے مصنف نے پاک فوج کے تعاون سے بننے والے نئے ڈرامے ’’عہدِ وفا‘‘ کو ماضی کے مشہور سیریل ’’الفا براوو چارلی‘‘ کا سیکوئل کی خبروں کو غلط قرار دے دیا۔ پاک فوج کے شعبہ تعلقات عامہ ( آئی ایس پی آر) کے تعاون سے بنائے جانے والا ڈرامہ ’عہدِ وفا‘ پاکستان ملٹری اکیڈمی ( پی ایم ای) میں زیر تربیت چار نوجوانوں کی دوستی پر مبنی ہے۔

ڈرامے میں مرکزی کردار ادا کرنے والے اداکاروں کی جانب سے کچھ تصاویر شیئر کی گئیں تھی جس کے بعد سے اس ڈرامہ کو ماضی کا تاریخ ساز ڈرامہ ’ الفا براوو چارلی‘ کے سیکوئل سے منسوب کیا جارہا تھا۔ڈرامہ ’عہدِ وفا‘ میں احد رضا میر، وجاہت علی، احمد علی اکبر اور اسامہ خالد بٹ کیڈٹس کا کردار ادا کر رہے ہیں جب کہ ابتداء میں چاروں اداکاروں نے سوشل میڈیا پر جاری کردہ تصاویر میں ایس ایس گینگ اور ایس ایس جی کا لفظ بھی استعمال کیا تھا کیوں کہ ڈرامے میں چاروں کرداروں کے نام شارق، شہریار، شاہ زین اور سعد ہیں جن کے ناموں کی شروعات انگریزی حرف ’s‘ سے ہوتی ہے۔

(جاری ہے)

جوکہ اس ڈرامہ کو ماضی کے ڈرامے سے منسوب کرنے میں غلط ثابت ہوئی۔’عہدِوفا‘ کے مصنف مصطفیٰ آفریدی نے اس بات کی تردید کرتے ہوئے کہا کہ یہ سیریز بچپن کے دوستوں پر مبنی ہے جوکہ ہمیشہ ایک نا صرف ساتھ رہتے ہیں بلکہ اپنی زندگی کو بھر پور انداز سے انجوائے بھی کرتے ہیں اور اٴْن سب کی زندگی تب تبدیل ہوتی ہے جب وہ کالج کا وقت مکمل کرکے عملی زندگی میں آتے ہیں۔سیفی حسن کی ہدایتکاری میں بننے والا ڈرامہ ’عہدِ وفا‘ میں زارا نور عباس، علیزے شاہ، حاجرہ یامین اور ونیزہ احمد بھی مرکزی کردار ادا کرتی نظر آئیں گی جب کہ یہ بھی کہا جارہا ہے کہ ڈرامہ 22 ستمبر سے نشر کیا جائے گا۔
وقت اشاعت : 12/09/2019 - 11:54:03

Rlated Stars :

مزید متعلقہ خبریں پڑھئیے‎ :