فلم انڈسٹری میں نا خوشگوار تجربات کا بھی سامنا کرنا پڑا لیکن ان سے بہت کچھ سیکھا ہے، اداکارہ بابرہ شریف

لاہور۔13 ستمبر(اُردو پوائنٹ اخبارتازہ ترین - اے پی پی۔ 13 ستمبر2019ء) فلم انڈسٹری کی ناموراداکارہ بابرہ شریف نے کہا ہے کہ انسان عملی زندگی سے جو کچھ سیکھتا ہے وہ اسے کتابوں میں نہیں مل سکتا ، فلم انڈسٹری میں نا خوشگوار تجربات کا بھی سامنا کرنا پڑا لیکن ان سے بہت کچھ سیکھا بھی ہے۔

(جاری ہے)

ایک انٹر ویو میں بابرہ شریف نے کہا کہ میری سب سے زیادہ کیمسٹری شمیم آراء بیگم سے ملتی تھی اور انہوں نے ہی مجھے ایکشن ہیروئن کے طو رپر متعارف کرایا۔

شمیم آراء نہ صرف بڑی اداکارہ تھیں بلکہ بڑی ہدایتکارہ بھی تھیں اور ان کے کریڈٹ پر بے شمار کامیاب فلمیں ہیں۔ انہوںنے اس امکان کو مسترد کرتے ہوئے کہا کہ میں نے فلموں میں کام نہیںکرنا کیونکہ میں نے اپنے عروج کے دور میں ریٹائرمنٹ لے لی تھی اور اب میں دوبارہ ایسا کام نہیںکرسکتی جو ماضی میں کر چکی ہوں،مجھے ڈرامہ سیریلز میں کام کرنے کی پیشکش ہوتی ہے لیکن میں انتہائی شکریہ کے ساتھ معذرت کر لیتی ہوں۔