پاکستانی فنکارتھائی لینڈ کے پرفضا مقامات پر فلموں اور ڈراموں کی شوٹنگ کریں ،تھائی لینڈ قونصل جنرل تھاٹھری چویچتا

منگل 19 نومبر 2019 18:49

کراچی (اُردو پوائنٹ اخبارتازہ ترین - این این آئی۔ 19 نومبر2019ء) کراچی میں تعینات تھائی لینڈ کے قونصل جنرل تھاٹھری چویچتا نے کہا ہے کہ پاکستانی فنکاروں کو خوش آمدید کہتا ہوں ۔یہ پہلا اتفاق ہے کہ پاکستان کی شوبز انڈسٹری سے تعلق رکھنے والے لوگوں نے ملاقات کا شرف بخشا ہے ۔وہ اپنی رہائش گاہ پر فلم ٹی وی فنکاروں کے اعزاز میں دئیے گئے عشائیے کے موقع پر میڈیا سے گفتگو کررہے تھے ۔

اس موقع پرتھائی لینڈ کے ڈپٹی قونصل جنرل ایپی پین چی چاریہ (Apipan Cheecharea) اور تھائی ایئر کے کنٹری مینیجر کانا پوم ایپی نان کول(Kana poum Apinan Kul) نے بھی اظہار خیال کیا عشائیے میں ہمایوں سعید ،فرحان آغا،ماریہ واسطی ،ارم خان ،مونا جے ،ندیم بیگ ،شہناز رمزی ودیگر فنکاروں نے شرکت کی ۔قونصل جنرل نے کہا کہ پاکستانی فنکارتھائی لینڈ کے پرفضا مقامات پر فلموں اور ڈراموں کی شوٹنگ کریں ۔

(جاری ہے)

تھائی لینڈمیں 53 ایسے مقامات ہیں جو شوبز شخصیات کے لیے بہت سود مند ہیں ۔انہوں نے کہا کہ ہر سال تھائی لینڈ میں سیاحوں کی تعداد میں اضافہ ہورہا ہے۔ہر اس شخص کو ویزا جاری کردیا جا تاہے۔ جو ضروری دستاویزات اور معلومات فراہم کردے ۔انہوں نے کہاکہ تھائی لینڈ پاکستان کے درمیان تجارت کو بڑھانا ضروی ہے ۔پاکستان سے سی فوڈ درآمد کر نے کے لیے انہوں نے کراچی اور گوادر میں سی فوڈ فیکٹریز کا دورہ کیاہے ۔

انہوں نے کہاکہ وہ پاکستانی کھانے شوق سے کھاتے ہیں بریانی اور لسی ان کی پسندیدہ کھانا اور مشروب ہے۔ڈپٹی قونصل جنرل نے کہا کہ پاکستان اور تھائی لینڈ کے درمیان دیگر شعبے کی طرح شوبز کے وفود کے تبادلے ہونا چاہیے ۔انہوں نے کہا کہ تھائی لینڈ اور پاکستان کے تعلقات میں اضافہ ہورہا ہے۔کنٹری مینیجرنے کہا کہ کراچی اور لاہور سے بینکاک کے لیے روزانہ پروازیں چلائی جارہی ہیں جبکہ اسلام آباد سے ہفتے میں 4 پروازیں بینکاک جاتی ہیں ہماری کوشش ہے کہ پروازوں کی تعداد میں اضافہ کیا جائے۔

انہوں نے ایک سوال پر کہا کہ اس وقت تھائی ایئر کے بیڑے میں 80 جہاز موجود ہیں تاہم ضرورت کے مطابق مزید جہاز خریدے جارہے ہیں پاکستانی روٹ پر ایئر بس 333 اور بوئنگ 777 استعما ل ہورہے ہیں ۔شوبز فنکاروں نے کھانے پر مدعو کرنے پر قونصل جنرل کا شکریہ ادا کرتے ہوئے کہا کہ وہ یہاں آنا اعزاز سمجھتے ہیں انہوں نے کہا کہ تھائی لینڈ کے کھانے ذائقہ دار اور پاکستانی کھانوں سے ملتے جلتے ہیں ۔

مزید متعلقہ خبریں پڑھئیے‎ :

فلم ’’سچ‘‘ کا نیا گانا ’’آزمالے‘‘ جاری

پاکستانی نئی فلم ’’سچ‘‘ کا نیا گانا ’’آزما لے‘‘ جاری کردیا گیا۔ اس گانے کو اداکارہ علیزے شیخ اور ہمایوں اشرف پر فلمایا گیا ہے ۔ ہدایت کار ذوالفقار شیخ کی اس فلم کی کاسٹ میں اداکار جاوید شیخ ، اسد زمان خان اور عظمی گیلانی شامل ہیں۔ فلم رواں سال 20دسمبر ... مزید

ابو الیہا کا نئی فلم ’’ونس اپائون ٹائم ان کراچی‘‘ بنانے کا اعلان

ہدایت کار ابو الیہا نے نئی فلم ’’ونس اپائون ٹائم ان کراچی‘‘ بنانے کا اعلان کردیا۔ انہوں نے بئی فلم کے حوالے سے بات جرتے ہوئے کہا کہ اس فلم کی کہانی علی معین لکھیں گے، علی معین ڈرامہ ’’رنگ ریز‘‘، ’’بھول‘‘، ’’سرمایہ‘‘ اور ’’نور محل‘‘ جیسے شہرت ... مزید

سوہائے علی ابڑو نے فلم ’’وینڈوز‘‘ سے ہالی وڈ میں قدم رکھ دیا

اداکارہ سوہائے علی ابڑو نے فلم ’’دی ونڈو‘‘ سے ہالی وڈ فلم نگری میں قدم رکھ دیا۔ سوہائے علی ابڑو پاکستانی اندسٹری کا جانا پہچانا نام ہے اور اب وہ ہالی وڈ فلم میں بھی اداکاری کے جوہر دکھائیں گی، فلم میں وہ مرکزی کردار ادا کریںگی، سوہائے علی ابڑو پہلی ... مزید

عاطف اسلم پاکستان سپر لیگ 2020ئ کے 5 ایڈیشن کا ٹائٹل سانگ گائیں گے

گلوکار عاطف اسلم پاکستان سپر لیگ 2020ئ کے 5ایڈیشن کا ٹائٹل سانگ گائیں گے۔ پاکستان سپر لیگ کا 5ایڈیشن کے ٹائٹل سانگ میں عاطف اسلم اپنی آوازکا جادو جگائیں گے، گزشتہ ایڈیشنز میں پاکستان سپر لیگ کے گانے علی ظفر اور فواد خان نے گائے تھے۔