ستارہ بیگ21 سال کی ہوگئیں،سالگرہ کا کیک الحمراء میں ساتھی فنکاروں کے ساتھ کاٹا

ہفتہ 14 دسمبر 2019 21:02

ستارہ بیگ21 سال کی ہوگئیں،سالگرہ کا کیک الحمراء میں ساتھی فنکاروں کے ساتھ کاٹا
مانگا منڈی(اُردو پوائنٹ اخبارتازہ ترین - آن لائن۔ 14 دسمبر2019ء)اسٹیج کی معروف اداکارہ ستارہ بیگ21 سال کی ہوگئیں،سالگرہ کیک الحمراء میں ساتھی فنکاروں کے ساتھ کاٹا،آن لائن کے مطابق اداکارہ ستارہ بیگ نے اپنی 21 ویں سالگرہ الحمراء ہال میں منائی جس میں اسٹیج مینیجر حاجی عبدالرزاق، اداکارہ ہنی شہزادی و دیگر اداکاروں نے شرکت کی اس موقع پر سالگرہ کا کیک کاٹا گیا جس پر اداکاراوں نے ستارہ بیگ کوسالگرہ کی مبارکبار دی اور ان کے لیئے نیک تمنائوں کا اظہار بھی کیا ۔

(جاری ہے)

اداکارہ ستارہ بیگ نے بات چیت کرتے ہوئے کہاکہ سالگرہ تقریب وہ اپنی فیملی کے ہمراہ بھی مناتی ہیں مگر جو مزہ اپنے کولیگز کے ساتھ مل کر منانے میں آتا ہے وہ کہیں اور نہیں آتا ستارہ بیگ نے سالگرہ میں شریک ہونیوالے اداکاروں اور بالخصوص حاجی عبدالرزاق اور الحمرا انتظامیہ کا شکریہ اداکیا جنہوں نے ان کی خوشیوں کو اس طرح منایا اور دوبالا کیا۔
وقت اشاعت : 14/12/2019 - 21:02:45