’’الہ دین‘‘ کی کامیابی کے بعد اب سیکوئل پر کام کا آغاز

ْ2019 میں ریلیز ہونے والی فلم ’الہ دین‘ کا مرکزی کردار کینیڈین اداکار مینا مسعود نے ادا کیا

جمعہ فروری 13:00

’’الہ دین‘‘ کی کامیابی کے بعد اب سیکوئل پر کام کا آغاز
نیویارک (اُردو پوائنٹ اخبارتازہ ترین - این این آئی۔ 14 فروری2020ء) دنیا بھر میں کامیابی کے جھنڈے گاڑنے والی فلم’’الہ دین‘‘ سے متعلق خبریں زیرگردش ہیں کہ اس فلم کے سیکوئل پر کام کیا جارہا ہے۔امریکی جریدے ورائٹی کی رپورٹ کے مطابق فلم الہ دین کے پروڈیوسرز اس کی شاندار کامیابی کے بعد اس کے سیکوئل پر کام کررہے ہیں۔رپورٹ میں بتایا گیا کہ پروڈیوسرز ڈین لن اور جوناتھن ایرچ اس نئی فلم پر دوبارہ کام کررہے ہیں اور انہیں امید ہے کہ وہ الہ دین کی ہدایات دینے والے ڈائریکٹر گائے ریچی کو اس کے سیکوئل کے لیے بھی واپس لے آئیں گے۔

خیال رہے کہ 2019 میں ریلیز ہونے والی فلم ’الہ دین‘ کا مرکزی کردار کینیڈین اداکار مینا مسعود نے ادا کیا، برطانوی اداکارہ ناومی اسکاٹ فلم میں’’جاسمین‘‘ بنیں جبکہ جینی کا کامیاب کردار ول اسمتھ نے نبھایا۔

(جاری ہے)

اس فلم کے سیکوئل میں بھی پروڈیوسرز ان ہی تینوں کرداروں کو دوبارہ کاسٹ کرنے کا ارادہ رکھتے ہیں البتہ فلم کا اسکرپٹ مکمل ہونے کے بعد ہی ان تینوں اداکاروں کو فلم میں کاسٹ کرنے کی آفر دی جائے گی۔

واضح رہے کہ گائے ریچی کی ہدایات میں بننے والی فلم ’’الہ دین‘‘ 1992 میں ریلیز ہوئی کارٹون فلم الہ دین کا لائیو ایکشن ریمیک ہے۔کارٹون فلم’’الہ دین‘‘نے اپنی ریلیز کے بعد سے اب تک دنیا بھر میں 76 ارب پاکستانی روپے سے زائد کمائے اور یہ فلم آج بھی بچوں اور بڑوں دونوں کے درمیان نہایت مقبول ہے۔

مزید متعلقہ خبریں پڑھئیے‎ :

متنازعہ امریکی فلم دی ہنٹ جلد ریلیز ہو رہی ہے

متنازعہ امریکی فلم دی ہنٹ جلد ریلیز ہو رہی ہے

صدر ٹرمپ کے نسل پرست تبصروں اور پالیسیوں کو بنیاد بناتے ہوئے ’دی ہنٹ‘ریلیز ہو رہی ہے۔فرانسیسی خبررساں ادارے کے مطابق یہ فلم گزشتہ سال ستمبر میں ریلیز ہونی تھی لیکن برسر اقتدار ریپبلکن جماعت کی فلم پر تنقید کی وجہ سے تاخیر کا شکار ہو گئی۔واضع رہے کہ ... مزید

وقت اشاعت : 14/02/2020 - 13:00:48

متعلقہ عنوان :

Your Thoughts and Comments