کینسر میں مبتلا مریضوں کیلئے فنڈ ریزنگ کر رہی ہوں ‘ صوفیہ احمد

لاہور(اُردو پوائنٹ اخبارتازہ ترین - این این آئی۔ 29 فروری2020ء) سینئر اداکارہ صوفیہ احمد نے کہا ہے کہ کینسر میں مبتلا مریضوں کیلئے فنڈ ریزنگ کر رہی ہوں ،خواتین میں چھاتی کے کینسر کی آگاہی اور تشخیص کیلئے دور دراز اور پسماندہ علاقوں کا سفر کیا ہے ۔

(جاری ہے)

’’ این این آئی ‘‘ سے خصوصی گفتگو کرتے ہوئے صوفیہ احمد نے کہا کہ میں ایک کینسر ہسپتال کی فنڈ ریزنگ کیلئے حال ہی میں بیرون ملک گئی ہوں جہاں سے سو ا کروڑ روپے اکٹھے کئے گئے ہیں اوراسی تناظر میں مزید دورے بھی شیڈول ہیں۔

انہوں نے کہا کہ خصوصی طو رپر خواتین میں چھاتے کے کینسر کی آگاہی اور تشخیص کے لئے جنوبی پنجاب کے دور دراز اضلاع میں گئی ہوں اور وہاں کی خواتین میں اس مرض کے حوالے سے نہ صرف انہیں آگاہی دی گئی ہے بلکہ تشخیص کے لئے ٹیسٹ بھی کئے گئے ۔ انہوں نے کہا کہ کینسر کی بروقت تشخیص بہت ضروری ہے جس سے علاج معالجے میں بڑی آسانی اور اس کا فائدہ ہوتا ہے جبکہ تاخیر کی صورت میں مشکلات بڑھ جاتی ہیں۔