پاک بھارت سرحدوں پر کشیدگی سے فنکار تشویش میں مبتلا

کراچی ( اُردو پوائنٹ تازہ ترین اخبار۔آئی این پی۔ 27اگست 2013ء ) پاکستان اور بھارت کے درمیان سرحدوں پر کشیدگی کے بعد دونوں ممالک کے درمیان تعلقات میں سرد مہری کے بعد فنکاروں کو شدید تشویش میں مبتلا کردیا ہے۔

(جاری ہے)

ان دنوں بہت سے پاکستانی فنکا ر بھارتی فلموں اور ٹیلی ویڑن پر کام کررہے ہیں، جبکہ بھارت کے متعدد فنکار جو پاکستان کا دورہ کرنیوالے تھے انھوں نے حالات کے پیش نظرفی الحال پاکستان نہ آنے کا فیصلہ کیا ہے جب کہ بھارتی فلموں اور ٹیلی ویڑن پر کام کرنے والے پاکستان اداکاروں نے بھی کشیدہ صورتحال کی وجہ سے بھارت جاکر کام کرنے کا اپنا فیصلہ موخر کردیا ہے۔

ان دنوں بولی فلموں میں پاکستانی گلوکار،راحت فتح علی، علی ظفر جب کہ سارہ لورین، عمائمہ ملک، جبکہ مزاحیہ ادکار شکیل صدیقی، علی حسن عرفان ملک، کاشف خان، وکی اور دیگر فنکار مختلف ٹی وی چینلز اور فلموں کی ریکارڈنگ میں حصہ لینے کے لیے بھارت آتے جاتے رہے ہیں لیکن موجودہ صورتحال میں میں وہ کوئی رسک لینے کے لیے تیار نہیں۔