ٹائم لگے گا بھائی 6 مہینے بعد واپس آیا ہوں، سلمان خان

ممبئی (اُردو پوائنٹ اخبارتازہ ترین - این این آئی۔ 10 اکتوبر2020ء) بالی ووڈ کے سپر سٹار سلمان خان بھی طویل عرصے بعد فلم کی شوٹنگ کرانے کیلئے ایکشن اور ری ٹیکس کی دنیا میں واپس آگئے۔ کورونا کی پابندیوں کے باعث فلمی دنیا اور ماحول سے لمبے وقفے کے آثار سلمان خان پر نمایاں تھے۔

(جاری ہے)

فلم رادھے کی شوٹنگ کے دوران سلمان خان نے کئی بار ’ری ٹیکس‘ کئے اور انہوں نے سیٹ پر موجود لوگوں سے کہا کہ ’ٹائم لگے گا بھائی 6 مہینے بعد واپس آیا ہوں‘۔

اسی فلم میں سلمان خان کے ساتھ اداکارہ دیشا پٹانی اور اداکار جیکی شروف بھی شامل ہیں۔بالی ووڈ کے دبنگ خان اپنی آنے والی فلم رادھے کیلئے 6 مہینے بعد شوٹنگ پر واپس آئے ہیں۔ جس کیلئے سیٹ پر کورونا سے بچائو کیلئے بہترین حفاظتی اقدامات کئے گئے ہیں۔فلم انتظامیہ کے مطابق شوٹنگ کے دوران اور اس کے علاوہ بھی سیٹ پر موجود ہر شخص فیس ماسک پہنے رکھتا ہے تا کہ سین ریکارڈ کراتے وقت سلمان خان فیس ماسک اتار سکیں۔