سنجے دت کے مرض میں کافی بہتری آئی ہے، اہلخانہ

منگل اکتوبر 10:35

سنجے دت کے مرض میں کافی بہتری آئی ہے، اہلخانہ
نیویارک (اُردو پوائنٹ اخبارتازہ ترین - این این آئی۔ 20 اکتوبر2020ء) موذی مرض پھیپھڑوں کے کینسر میں مبتلا بھارتی فلم انڈسٹری کے مقبول ترین اداکار سنجے دت کے اہلخانہ کا کہنا ہے کہ اداکار کا علاج چل رہا ہے اور اٴْن کے مرض میں کافی بہتری آئی ہے۔بھارتی میڈیا رپورٹس کے مطابق بالی وڈ اداکار سنجے دت کے اہلخانہ نے میڈیا سے گفتگو کرتے ہوئے اداکار کی صحت سے متعلق بتایا کہ ’جب ہمیں معلوم ہوا کہ سنجے دت پھیپھڑوں کے کینسر میں مبتلا ہوگئے ہیں تو ہمیں لگا تھا شاید اب اٴْن کی طبیعت سنبھل نہیں سکے گی اور ہم اٴْن کی صحت کی وجہ سے بہت پریشان تھے۔

سنجے دت کے اہلخانہ نے بتایا کہ ’اس کے بعد ہم نے اداکار کا علاج ممبئی کے ایک اسپتال میں شروع کروایا اور اب اٴْن کے دیگر ٹیسٹ کے نتائج سامنے آگئے ہیں۔

(جاری ہے)

بالی وڈ اداکار کے اہلخانہ نے بھارتی میڈیا کو بتایا کہ’سنجے دت کا علاج بہت اچھا چل رہا ہے، اٴْن کے حالیہ ٹیسٹ کے نتائج بھی اچھے آئے ہیں اور وہ اب صحتیاب ہو رہے ہیں۔اٴْنہوں نے مزید کہا کہ ’خدا کے فضل و کرم اور مداحوں کی دٴْعا کی وجہ سے سنجے دت اب ٹھیک ہورہے ہیں۔

خیال رہے کہ اس سے قبل سنجے دت کا ایک ویڈیو پیغام سامنے آیا تھا جس میں اٴْن کا کہنا تھا کہ وہ کینسر کو شکست دینے کیلیے پٴْرعزم ہیں۔ویڈیو پیغام میں سنجے دت نے اپنی بھنووں (Eyebrow) پر موجود کیمو تھراپی کے نشان کو دکھاتے ہوئے مداحوں سے کہا تھا کہ اگر آپ کو یہ نشان نظر آرہا ہے تو یہ اٴْن کی زندگی کا ایک حالیہ داغ ہے لیکن وہ بہت پٴْر امید ہیں کہ وہ جلد ہی اس کینسر سے آزاد ہوجائیں گے۔

سنجے نے کام پر واپس آنے کے حوالے سے بات کرتے ہوئے کہا تھا کہ وہ اپنی نئی فلم کے جی ایف 2 کے لیے داڑھی بڑھا رہے ہیں جس میں وہ ایک منفی کردار ادا کریں گے۔اٴْن کا مزید کہنا تھا کہ اٴْنہیں دوبارہ سیٹ پر واپس آنے پر بہت خوشی محسوس ہو رہی ہے۔یاد رہے کہ دو ماہ قبل سنجے دت کو تیسرے یا چوتھے درجے کے کینسر میں مبتلا ہونے کی اطلاعات سامنے آئیں تھیں۔بھارتی میڈیا کے مطابق پہلے سنجے دت نے علاج کے لیے امریکا جانے کا فیصلہ کیا تھا اور طبی بنیادوں پر 5 سال کے لیے امریکا کا ویزا حاصل کرلیا بعدازاں انہوں نے اپنا علاج ممبئی کے کوکیلا بین اسپتال میں شروع کروالیا۔

متعلقہ ستارے‎ :

Sanjay Dutt

سنجے دت

Sanjay Dutt

مزید متعلقہ خبریں پڑھئیے‎ :

وقت اشاعت : 20/10/2020 - 10:35:04

Your Thoughts and Comments