ہمایوں سعید اورعدنان صدیقی کا ترکی میں پرتپاک استقبال

پیر فروری 20:45

ہمایوں سعید اورعدنان صدیقی کا ترکی میں پرتپاک استقبال
استنبول (اُردو پوائنٹ اخبارتازہ ترین - این این آئی۔ 22 فروری2021ء) پاکستان کے معروف اداکار ہمایوں سعید اور عدنان صدیقی کا ترکی میں ارطغرل غازی کی ٹیم کی جانب سے پرتپاک استقبال کیا گیا ہے۔اس ضمن میں شہرہ آفاق تٴْرک سیریز ’ارطغرل غازی‘ کے کردار عبدالرحمن نے اپنے انسٹاگرام اکاؤنٹ پر مختلف اسٹوریز شیئر کیں۔

(جاری ہے)

تٴْرک اداکار کی جانب سے شیئر کی گئی انسٹا سٹوری میں پہلی تصویر میں اٴْن کے ساتھ پاکستانی اداکار ہمایوں سعید، عدنان صدیقی، ریما خان اور سعدیہ خان موجود ہیں۔

مذکورہ تصویر میں ارطغرل غازی کی پروڈکشن ٹیم بھی موجود ہے جبکہ یہ تمام لوگ استنبول کے کسی ہوٹل میں کھانے کھارہے ہیں۔ترک اداکار نے تصویر شیئر کرتے ہوئے پاکستانی اداکاروں سے مخاطب ہوکر لکھا کہ ’آپ سب کو پاکستان کے دوست ملک تٴْرکی میں خوش آمدید‘۔اس کے علاوہ تٴْرک اداکار نے ہمایوں سعید، عدنان صدیق اور اداکارہ و ماڈل سعدیہ خان کے ہمراہ ایک سیلفی بھی شیئر کی۔

مزید متعلقہ خبریں پڑھئیے‎ :

وقت اشاعت : 22/02/2021 - 20:45:16

Your Thoughts and Comments