ٓجونیئر اداکاروں کو گفتگو کے لیے اپنے الفاظ کا چنائو سوچ سمجھ کر کرنا چاہیے : بشریٰ انصاری

منگل اپریل 22:48

ٓجونیئر اداکاروں کو گفتگو کے لیے اپنے الفاظ کا چنائو سوچ سمجھ کر کرنا ..
لاہور (اُردو پوائنٹ اخبارتازہ ترین - آن لائن۔ 06 اپریل2021ء) اداکارہ بشری انصاری نے کہا کہ جونیئر اداکار وں کو گفتگو وشنید کے لیے اپنے الفاظ کا چناو سوچ سمجھ کر کرنا چاہیے ۔

(جاری ہے)

انہوں نے اپنے ایک انٹرویو میں کہا کہ ایک بار ان کے ساتھ ایک جونیئر اداکار بیٹھے تھے اور انہوں نے باتوں ہی باتوں میں ایسا نامناسب لفظ بولا کہ انہیں شر م آگئی لیکن اس اداکار کوکوئی فرق ہی نہیں پڑا کہ انہوں نے کیا بولا ہے اور نہ ہی اسے کوئی شرمندگی ہوئی ۔

انہوں نے کہا کہ ہمیں اپنے الفاظ کا چناو سوچ سمجھ کر کرنا چاہیے ، غیرموزوں الفاظ کو بڑے آرام سے بول دینا اچھی بات نہیں اور ہمیں اس بات کو سمجھنے کی ضرورت ہے۔ انہوں نے ڈراموں کے مواد بارے بات کرتے ہوئے کہا کہ اب ہم سنسنی کے اتنے عادی ہو چکے ہیں کہ ہمیں چھوٹی موٹی باتوں سے کوئی فرق ہی نہیں پڑتا لہٰذا ہمیں اپنے معاشرتی رویوں کو بدلنا ہو گا۔
وقت اشاعت : 06/04/2021 - 22:48:04

Your Thoughts and Comments