معروف بھارتی اداکار و کامیڈین کورونا کے باعث ہلاک

جمعرات 6 مئی 2021 18:48

معروف بھارتی اداکار و کامیڈین کورونا کے باعث ہلاک
چنائی (اُردو پوائنٹ اخبارتازہ ترین - آن لائن۔ 06 مئی2021ء) بھارتی تامل فلم انڈسٹری کے معروف اداکاروکامیڈین پانڈو کورونا وائرس کے باعث چل بسے۔بھارتی میڈیا کے مطابق اداکار پانڈو کی عمر 74 برس تھی۔ کچھ روز قبل انہیں کووڈ 19 کی تشخیص ہوئی تھی جس کے بعد انہیں علاج کے لیے اسپتال داخل کیا گیا تھا لیکن وہ جانبر نہ ہوسکے۔ پانڈو تامل فلموں میں مزاحیہ کردار ادا کرنے کے لیے جانے جاتے تھے۔

ان کی موت نے پوری کولی ووڈ انڈسٹری کو صدمے میں مبتلا کردیا ہے۔

(جاری ہے)

بھارت میں ناول کورونا وائرس کی دوسری لہر کے باعث صورتحال بہت خطرناک ہوگئی ہے۔ حال ہی میں ہدایت کار کے وی ٓانند کورونا وائرس کے باعث ہونے والی پیچیدگیوں کی وجہ سے ہلاک ہوگئے تھے اور اب اداکار پانڈو اس جان لیوا وائرس کے باعث چل بسے۔ رپورٹس کے مطابق ان کی بیوی کا بھی کورونا وائرس کا ٹیسٹ مثبت ٓایا تھا اور وہ علاج کی غرض سے اسپتال میں داخل ہیں۔واضح رہے کہ کچھ روز قبل بھارتی اداکار و پروڈیوسر للت بہل اور معروف موسیقار شرون راتھور بھی کورونا وائرس کے باعث ہلاک ہوچکے ہیں۔

وقت اشاعت : 06/05/2021 - 18:48:33

مزید متعلقہ خبریں پڑھئیے‎ :