اداکارہ منال خان اور اداکار احسن محسن قیوم کی منگنی ہوگئی

کراچی (اُردو پوائنٹ اخبارتازہ ترین - این این آئی۔ 19 مئی2021ء) شوبز انڈسٹری کی معروف اداکارہ منال خان اور اداکار احسن محسن قیوم کی منگنی ہوگئی۔گزشتہ کچھ دنوں سے گہری دوستی رکھنے والی شوبز انڈسٹری کی معروف جوڑی منال خان اور احسن محسن کی بات پکی ہوگئی ہے جس کی تصویریں دونوں اداکاروں نے اپنے تصدیق شدہ انسٹاگرام اکاؤنٹس پر شیئر کی ہیں۔منال خان کی جانب سے شیئر کی گئی تصویروں میں اٴْنہوں نے خوبصورت لباس زیب تن کیا ہوا ہے جبکہ شوبز انڈسٹری کی اس نئی جوڑی نے گلے میں پھولوں کا ہار بھی پہنا ہوا ہے۔

اداکارہ نے اپنی پوسٹ کے کیپشن میں منگیتر احسن محسن سے اظہارِ محبت کرتے ہوئے لکھا کہ ’میں نے اپنی محبت کو آسانی سے ہاں کہہ دیا۔دوسری جانب احسن محسن نے بھی انسٹاگرام پر اپنی اور منال کی منگنی کی تصویریں شیئر کیں۔

(جاری ہے)

احسن محسن نے اپنی پوسٹ کے کیپشن میں منال خان سے مخاطب ہوتے ہوئے لکھا کہ ’میں اپنی آخری سانس تک تٴْم سے محبت کروں گا۔

منال اور احسن کی انسٹاگرام پوسٹس پر شوبز ستاروں کی بڑی تعداد اٴْنہیں منگنی کی مبارکباد دے رہی ہے۔واضح رہے کہ منال خان اور احسن محسن اکرام نے ڈرامہ سیریل ’پرچھائیں‘ میں ایک ساتھ کام کیا تھا، یہ ڈرامہ سال 2017 میں ایک نجی ٹی وی چینل سے نشر کیا گیا تھا۔ احسن محسن اکرام سے قبل منال خان کے منظور خان نامی شخص سے قریبی تعلقات تھے لیکن گزشتہ سال ہی دونوں کی دوستی ختم ہوگئی تھی جس کے بعد منظور خان نے اپنے انسٹاگرام اکائونٹ سے منال خان کی تمام تصویریں ڈیلیٹ کردی تھیں۔