پاکستان کی شوبز انڈسٹری کی معروف جوڑی اقرا عزیز اور یاسر حسین کے ہاں بیٹے کی پیدائش

یاسر حسین نے بیٹے کے ہاتھ کی تصویر سماجی رابطے کی ویب سائٹ انسٹا گرام پر شئیر کی

Sumaira Faqir Hussain سمیرا فقیرحسین جمعہ 23 جولائی 2021 15:44

پاکستان کی شوبز انڈسٹری کی معروف جوڑی اقرا عزیز اور یاسر حسین کے ہاں ..
کراچی (اُردو پوائنٹ تازہ ترین اخبار۔ 23 جولائی 2021ء) : پاکستان کی شوبز انڈسٹری کی معروف جوڑی یاسر حسین اور قرار عزیز کے ہاں بیٹے کی پیدائش ہوئی۔ سماجی رابطے کی ویب سائٹ انسٹا گرام پر یاسر حسین نے اپنے نومولود بیٹے کے ہاتھ کی تصویر شئیر کی۔ یاسر حسین نے تصویر کے کیپشن میں لکھا ''الحمد اللہ، اللہ کے حکم سے ہم کبیر حسین کو خوش آمدید کہتے ہیں''۔

یاسر حسین کی اس پوسٹ کے بعد دوست احباب، شوبز انڈسٹری سے تعلق رکھنے والے افراد اور ان کے مداحوں کی جانب سے مبارکباد دینے کا سلسلہ شروع ہوگیا ۔ جبکہ اداکار حسین حیات خان نے بھی انسٹا گرام پر بھتیجے کی پیدائش پر خوشی کا اظہار کرتے ہوئے کہا کہ'' میں چاچا بن گیا ہوں''۔
یاسر حسین اور اقرا عزیز کے مداحوں نے دونوں کو بیٹے کی پیدائش پر مبارکباد دی اور ان کے لیے نیک تمناؤں کا اظہار بھی کیا۔

(جاری ہے)

یاد رہے کہ یاسر حسین نے اقرار عزیز کو جولائی 2019 کو کراچی میں ہونے والے لکس اسٹائل ایوارڈز شو کے دوران شادی کی پیشکش کی تھی جسے اقرا عزیز نے قبول کیا تھا جس کے بعد یاسر حسین اور اقرا عزیز28 دسمبر 2019ء میں شادی کے خوبصورت بندھن میں بندھے تھے۔ بعد ازاں مئی 2021 میں یاسر حسین نے انسٹاگرام پر اقرا عزیز کے ساتھ تصاویر شیئر کرتے ہوئے بتایا تھا کہ وہ جلد والدین بننے والے ہیں۔ یاسر حسین نے اپنی پوسٹ کے کیپشن میں لکھا کہ اللہ ہم پر ہمیشہ سے ہی مہربان رہا ہے اور اس مرتبہ تو اس کی کرم نوازی بے مثال ہے۔ انہوں نے مزید لکھا کہ اولاد اللہ کا خوبصورت تحفہ ہے، ہم بہت خوش ہیں اور اُمید کرتے ہیں کہ آپ بھی ہمیں اپنی دعاؤں میں یاد رکھیں گے۔

متعلقہ ستارے‎ :

Yasir Hussain

یاسر حسین

Yasir Hussain

Iqra Aziz

اقرا عزیز

Iqra Aziz

مزید متعلقہ خبریں پڑھئیے‎ :

وقت اشاعت : 23/07/2021 - 15:44:29

متعلقہ عنوان :

Your Thoughts and Comments