پاکستان میں ٹیلنٹ کی کمی نہیں ،انڈسٹری کا عروج دوبارہ واپس آئیگاولن کا کرداراداکرناآسان نہیں ہوتا، جتنابھی کام کیا اس سے مطمئن ہوں: شفقت چیمہ

لاہور (اُردو پوائنٹ اخبارتازہ ترین - آن لائن۔ 01 نومبر2021ء) سینئر اداکار شفقت چیمہ نے کہا ہے کہ مجھ سے جو مرضی کام کر الیں لیکن مجھ سے منافقت نہیں ہوتی ،ہمیشہ دوٹوک اورکھری بات کرتاہوں لیکن خیال رکھتاہوںکسی کی دل آزاری نہ ہو،پاکستان میں ٹیلنٹ کی کمی نہیں اورایک دن فلم انڈسٹری کا عروج دوبارہ واپس آئے گا ۔

(جاری ہے)

ایک انٹرویو میں شفقت چیمہ نے کہاکہ انسان کی شخصیت میں کوئی جھول نہیں ہوناچاہیے تاکہ دیکھنے والاآ پ کے بارے میں تذبذب کا شکار نہ ہو۔

انہوںنے کہا کہ فلم انڈسٹری میں جتنابھی کام کیا ہے محنت اورلگن سے کیا ہے اور خدا کی ذات نے مجھے اتنی کامیابیوں سے نوازاجس کامیںنے کبھی خواب میںبھی نہیںسوچا تھا۔ شفقت چیمہ نے کہا کہ ولن کا کرداراداکرناآسان نہیں ہوتاآپ کو اپنی شخصیت کاگلہ دباکروہ کردارنبھانا پڑتاہے ۔ انہوں نے کہا کہ لوگوںنے مجھے ولن کے کردارمیںپسند کیا تو اس کے اوپر ہی کیریئر آگے بڑھتاگیا اورمیں نے جتنابھی کام کیا اس سے مطمئن ہوں۔