شلپا اور شمیتا شیٹی ویڈیو کال پر جذباتی ہوکر رو پڑیں

ہفتہ 1 جنوری 2022 17:13

شلپا اور شمیتا شیٹی ویڈیو کال پر جذباتی ہوکر رو پڑیں
لاہور (اُردو پوائنٹ اخبارتازہ ترین - آن لائن۔ 01 جنوری2022ء) بالی ووڈ اداکارہ شلپا شیٹی اپنی بہن شمیتا شیٹی سے ویڈیو کال پر بات کرتے ہوئے جذباتی ہوکر رو پڑیں۔بھارتی میڈیا رپورٹ کے مطابق شمیتا شیٹی جو بگ باس کے سیزن 15 میں شریک ہیں، وہاں سے انہوں نے اپنی بہن شلپا شیٹی سے ویڈیو کال پر بات کی تو جذباتی منظر سامنے آیا۔شلپا اور شمیتا کی ویڈیو سوشل میڈیا پر بھی زیرگردش ہے، اداکارہ کی اپنی بہن کے ساتھ بگ باس کے گھر میں انٹری کے بعد پہلی بار بات ہوئی۔

دونوں بہنیں گفتگو کے دوران جذباتی ہوکر رو پڑیں اور اداکارہ نے چھوٹی بہن سے متعلق کہا کہ 6 ماہ سے اسے دیکھا تک نہیں۔بگ باس سیزن کے شرکاء کئی ماہ سے گھر میں بند ہیں، اٴْن کا دوستوں اور رشتوں داروں سے کوئی رابطہ نہیں۔

(جاری ہے)

نئی سال کی خصوصی قسط میں تمام شرکاء کو بتایا گیا کہ کسی ایک کو اپنے پیارے کو دیکھنے اور بات کرنے کا موقع ملے گا۔قسط کا پرومو سامنے آیا تو اس میں شمیتا کو بہن شلپا شیٹی کی ویڈیو کال موصول ہورہی ہے، اس جذبات ملاپ کے دوران دونوں بہنوں کی آنکھوں میں آنسو ہیں۔

پرومو میں میزبان سلمان خان سیزن کے شرکاء کو بتاتے ہیں کہ اٴْن کیلئے ایک خصوصی کال ہے، پھر سکرین پر شلپا شیٹی کا نام نمودار ہوتا ہے، اس کے ساتھ ہی تمام لوگ خوش ہوجاتے ہیں اور شمیتا متحرک ہوجاتی ہے۔شلپا شیٹی اپنی بہن کو اٴْس کے نِک نیم سے مخاطب کرتے ہوئے ’ ٹونکی‘ کہتی ہے جس سے دونوں بہنوں کی ہنسی نکل جاتی ہے۔سلمان خان سے گفتگو میں شلپا نے کہا کہ ہماری زندگی میں ایسا کبھی نہیں ہوا کہ میں اور شمیتا اتنے عرصہ الگ رہے ہیں، میں نے اسے 6 ماہ سے نہیں دیکھا۔

بہن شمیتا کو روتا دیکھتے ہوئے شلپا کی آنکھیں بھی نم ہوجاتی ہیں تاہم وہ خود کو سنبھالتی ہیں اور چھوٹی بہن کو نہ رونے کا کہتے ہوئے کہتی ہیں کہ میں کنٹرول کررہی ہوں تم بھی مت رو، ہمیں ایک دوسرے کی طاقت بننا ہے۔اس موقع شلپا شیٹی نے مزید کہا کہ میں پہلے ہی جانتی ہوں، میری بہن شو کی فاتح ہے، مجھے اس سے کوئی مطلب نہیں کے سیزن کا حتمی نتیجہ کیا ہوتا ہے، مجھے فخر ہے کہ میں شمیتا کی بہن ہوں۔
وقت اشاعت : 01/01/2022 - 17:13:30

Rlated Stars :

مزید متعلقہ خبریں پڑھئیے‎ :