سب کی حوصلہ افزائی کریں، عزت دیں اور عزت لیں، جنت مرزا کا ایمن خان کو جواب

جمعہ 14 جنوری 2022 17:18

سب کی حوصلہ افزائی کریں، عزت دیں اور عزت لیں، جنت مرزا کا ایمن خان کو ..
کراچی (اُردو پوائنٹ اخبارتازہ ترین - این این آئی۔ 14 جنوری2022ء) پاکستان کی نمبر ون ٹک ٹاک اسٹار جنت مرزا نے اداکارہ ایمن خان کا نام لئے بغیر اٴْنہیں آڑے ہاتھوں لیتے ہوئے کہا ہے کہ سب کی حوصلہ افزائی کریں، عزت دیں اور عزت لیں۔حال ہی میں ایک انٹرویو کے دوران ایمن خان نے جنت مرزا کو کم میک اپ کرنے کا مشورہ دیا تھا جس کے بعد ٹک ٹاک سٹار نے ایک ویڈیو شیئر کی تھی جس میں اٴْنہوں نے ایمن خان کا نام لئے بغیر کہا تھا کہ آپ کو دوسروں کی زندگی میں دخل اندازی کرنے کا کوئی حق نہیں ہے۔

اب گزشتہ روز جنت مرزا نے انسٹاگرام پر سوال و جواب کا ایک سیشن رکھا جس میں ایک صارف نے کہا کہ ’ایمن خان نے آپ کو بالکل درست مشورہ دیا تھا، اس پر ویڈیو بنانے کی کیا ضرورت تھی۔‘ صارف کی تنقید کا جواب دیتے ہوئے جنت مرزا نے کہا کہ ’میں نے ویڈیو میں کسی کا نام نہیں لیا تھا لہٰذا خود سے اندازے نہ لگائیں ، دوسروں پر اٴْنگلی اٴْٹھانا بند کریںاور پہلے خود پر گہری نظر ڈال لیں‘۔

(جاری ہے)

جنت مرزا نے کہا کہ ’میں سب کی عزت کرتی ہوں لیکن ہماری کچھ اداکارائیں ایسی ہیں جو ہمیشہ دوسروں پر تنقید کرتی ہیں‘۔اٴْنہوں نے کہا کہ ’جس خاتون (ایمن خان) نے مجھے کم میک اپ کرنے کا مشورہ دیا تھا، وہ مجھ سے پہلے ماورا حسین کی جسامت پر بھی تبصرے کرچکی ہیں اور دیگر معروف شخصیات کو بھی تنقید کا نشانہ بنا چکی ہیں‘۔ٹک ٹاک سٹار نے ایمن خان کا نام لیے بغیر کہا کہ ’آپ ایسے متنازع بیانات جاری کرنے سے گریز ہیں، سب کی حوصلہ افزائی کریں، عزت دیں اور عزت لیں۔

مزید متعلقہ خبریں پڑھئیے‎ :

وقت اشاعت : 14/01/2022 - 17:18:49

متعلقہ عنوان :

Your Thoughts and Comments