ریما خان کی معروف مذہبی اسکالر مولانا طارق جمیل سے ملاقات

لاہور(اُردو پوائنٹ اخبارتازہ ترین - این این آئی۔ 12 مارچ2022ء) پاکستانی فلم انڈسٹری کی سینئر اداکارہ ریما خان کی معروف مذہبی اسکالر مولانا طارق جمیل سے ملاقات ہوئی ۔ویڈیو میں دیکھا جاسکتا ہے کہ اداکارہ ریما خان اور مولانا طارق جمیل کو ایک تقریب میں بات چیت کررہے ہیں، ریما خان مولانا طارق جمیل کو اپنے سامنے پا کر بے حد خوش نظر آ رہی ہیں اور عقیدت میں ان کے گھٹنوںکو بھی ہاتھ لگارہی ہیں۔

(جاری ہے)

ریما خان نے کہا کہ دل کی بڑی خواہش تھی کہ ان کی مولانا طارق جمیل سے ملاقات ہو جائے جس پر مولانا طارق جمیل کہتے ہیں کہ آپ کی یہ دعا میرے گھر آ کر قبول ہوئی ہے۔اس کے جواب میں ریما خان نے ہنستے ہوئے کہا کہ یہ میرا مقدر ہے کہ میں آپ کے گھر میں آ کر آپ سے ملی ہوں۔مولانا طارق جمیل کی جانب سے ریما خان سے کھانا پلیٹ میں نکالنے کا کہا گیا جس پر ریما خان نے پہلے مولانا طارق جمیل کو کھانا لینے کی درخواست کرتے ہوئے کہا میرے تو ہاتھ کانپ رہے ہیں، آپ بسم اللہ کریں۔ریما خان مولانا طارق جمیل سے درس اور اسلام کی تعلیم دینے کے لیے وقت بھی مانگا۔