کیا ایشوریا رائے امید سے ہیں، بالی ووڈ میں خبریں گرم

اب تک ایشوریا رائے کی جانب سے اس ضمن میں کوئی وضاحت پیش نہیں کی گئی

پیر 23 مئی 2022 11:42

کیا ایشوریا رائے امید سے ہیں، بالی ووڈ میں خبریں گرم
ممبئی(اُردو پوائنٹ اخبارتازہ ترین - این این آئی۔ 23 مئی2022ء) بالی ووڈ کی سپر اسٹار ایشوریا رائے بچن کے حاملہ ہونے کی خبریں فلم انڈسٹری اور سوشل میڈیا پر گرم ہیں۔بھارتی میڈیا کی رپورٹ کے مطابق معروف اداکارہ ایشوریا رائے بچن اپنے شوہر اسٹار اداکار ابھیشیک بچن اور بیٹی آرادھیا کے ہمراہ فرانسیسی شہر کینس میں ہونے والے فلم فیسٹول میں شرکت کے لیے گئیں جہاں ایشوریا میگا ایونٹ کے ریڈ کارپیٹ پر بہت محتاط نظر آئیں، ان کی چال ڈھال اور چلنے کے انداز سے مداحوں کو لگ رہا ہے کہ اداکارہ امید سے ہیں۔

(جاری ہے)

رپورٹ میں بتایا گیا کہ فلم فیسٹول سے بھارت لوٹنے پر پرستاروں نے ایشوریا رائے کو ممبئی ایئرپورٹ پر ڈھیلے ڈھالے کپڑوں میں دیکھا جس کے بعد مداحوں کا شک یقین میں بدلنے لگا ہے کہ اداکارہ کے ہاں دوسری اولاد کی پیدائش ہوگی۔اداکارہ کے حاملہ ہونے کی خبریں بالی ووڈ اور سوشل میڈیا پر پھیلی ہوئی ہیں تاہم اب تک ایشوریا رائے کی جانب سے اس ضمن میں کوئی وضاحت پیش نہیں کی گئی اور نہ ہی ان کے شوہر ابھیشیک نے اس خبری کی تصدیق یا تردید کی۔ خیال رہے کہ ایشوریا اور ابھیشیک کی ایک بیٹی ہے۔
وقت اشاعت : 23/05/2022 - 11:42:55

Rlated Stars :

مزید متعلقہ خبریں پڑھئیے‎ :