عاطف اسلم کے کنسرٹ میں شرکت کیلئے لڑکی نے شادی ملتوی کردی

کینیڈا کے شہر ٹورنٹو میں ہونے والے اس کنسرٹ کی ویڈیو اور تصاویر خوب وائرل ہو رہی ہیں

جمعرات 26 مئی 2022 11:59

عاطف اسلم کے کنسرٹ میں شرکت کیلئے لڑکی نے شادی ملتوی کردی
ٹورنٹو(اُردو پوائنٹ اخبارتازہ ترین - این این آئی۔ 26 مئی2022ء) دنیا بھر میں پاکستان کے معروف گلوکار عاطف اسلم کے ایسے کئی مداح موجود ہیں جو زندگی میں ان کی ایک جھلک دیکھنے کے لئے بیقرار رہتے ہیں۔تاہم کینیڈا سے تعلق رکھنے والی گلوکار کی ایک مداح ایسی بھی ہے جس نے اپنی شادی کے دِنوں میں عاطف اسلم کے کنسرٹ کاسن کر شادی ہی ملتوی کردی۔اس سرپھری مداح کو توجہ تب حاصل ہوئی جب اس کے منگیتر کے ہاتھوں میں ایک پوسٹر دیکھاگیا جس پر لکھا ہوا تھا کہ’’ میری منگیتر نے اس کنسرٹ کی وجہ سے ہماری شادی ملتوی کردی ہے‘‘۔

(جاری ہے)

سوشل میڈیا پرکینیڈا کے شہر ٹورنٹو میں ہونے والے اس کنسرٹ کی ویڈیو اور تصاویر خوب وائرل ہو رہی ہیں جس میں دیکھا جا سکتا ہے کہ عاطف لڑکے کے ہاتھوں میں یہ پلے کارڈ دیکھ کر اس طرف متوجہ ہوئے اور پھر انہیں خود اسٹیج پر مذکورہ پلے کارڈ تھامے دیکھا گیا۔گلوکار جیسے ہی اس پوسٹر کی تحریر کو پڑھنا شروع کرتے ہیں ویسے ہی ہال چیخوں سے گونج اٹھتا ہے۔ ساتھ ہی عاطف مداح سے دلچسپ انداز میں سوال کرتے ہیں کہ ’’منگنی ہوگئی تو میرا کھانا کدھر ہی ۔‘‘بعد ِازاں عاطف اسلم کہتے ہیں کہ ’’مجھے ایک پین دے دیجیے میں اس پلے کارڈ پر آٹوگراف دے دیتا ہوں‘‘۔
وقت اشاعت : 26/05/2022 - 11:59:47

Rlated Stars :

مزید متعلقہ خبریں پڑھئیے‎ :