ریما خان نے عمرے کی سعادت حاصل کرلی، شوبز شخصیات کی مبارکباد

بدھ 10 اگست 2022 22:51

ریما خان نے عمرے کی سعادت حاصل کرلی، شوبز شخصیات کی مبارکباد
اسلام آباد (اُردو پوائنٹ اخبارتازہ ترین - این این آئی۔ 10 اگست2022ء) ماضی کی مقبول اداکارہ ریما خان کو عمرے کی سعادت حاصل کرنے پر شوبز شخصیات نے مبارک باد پیش کی اور ان کیلئے نیک خواہشات کا اظہار کیا ہے۔ریما خان نے 10 محرم الحرام کو انسٹاگرام اسٹوریز میں عمرے کی سعادت حاصل کرنے کی تصاویر اور ویڈیوز شیئر کیں، جن میں انہیں مقدس مقامات پر زیارت کرتے ہوئے دیکھا جا سکتا تھا۔

اداکارہ نے خانہ کعبہ سمیت دیگر مقدس مقامات پر کھچوائی گئی تصاویر کو شیئر کرتے ہوئے ملک و قوم کی ترقی کے لیے دعائیں بھی کیں۔تصاویر میں ریما خان کو سیاہ چادر اور چہرے پر سیاہ ماسک کے ساتھ دیکھا جا سکتا ہے۔اداکارہ کی جانب سے عمرے کی سعادت کی تصاویر اور ویڈیوز شیئر کیے جانے کے بعد مداحوں نے ان کے لیے نیک خواہشات کا اظہار کرتے ہوئے انہیں مبارک باد بھی پیش کی۔

(جاری ہے)

ریما خان کے عمرے کی سعادت حاصل کرنے کی تصاویر اور ویڈیوز سوشل میڈیا پر وائرل ہوگئیں اور شوبز شخصیات نے بھی ان کے لیے نیک خواہشات کا اظہار کیا۔اس سے قبل بھی ریما خان اپنے شوہر ڈاکٹر طارق شہاب الدین اور بیٹے کے ہمراہ عمرے کی سعادت حاصل کر چکی ہیں جب کہ وہ صوفیائے اور علمائے اکرام کے مقامات کی زیارت بھی کرتی رہتی ہیں۔ریما خان نے 2011 میں پاکستانی نڑاد امریکی ڈاکٹر طارق شہاب کے ساتھ شادی کرکے امریکا منتقل ہوگئی تھیں۔

شادی کے بعد چند سال تک وہ شوبز سے دور رہیں بعد ازاں انہوں نے شوبز میں واپسی کی اور وہ مختلف تقریبات اور منصوبوں میں بھی دکھائی دیں۔ریما خان کا ایک بیٹا ہے اور شاندار اداکاری پر مارچ 2019 میں حکومت پاکستان نے ریما کو تمغہ حسن کارکردگی سے بھی نوازا تھا۔
وقت اشاعت : 10/08/2022 - 22:51:24