- Home
- شوبز
- نصرت فتح علی خان کی 25ویں برسی ،راحت فتح علی خان کی نصرت فتح علی خان کی آخری آرام گاہ پر حاضری، ..
نصرت فتح علی خان کی 25ویں برسی ،راحت فتح علی خان کی نصرت فتح علی خان کی آخری آرام گاہ پر حاضری، پھولوں کی چادر چڑھائی اور فاتحہ خوانی کی
منگل 16 اگست 2022 22:51
(جاری ہے)
انہوں نے نصرت فتح علی خان کے ایام سرکاری طور پر منانے کا بھی مطالبہ کیا۔
منگل کوقوالی، گیت اور غزلوں کے بے مثال گائیک اور موسیقار استاد نصرت فتح علی خان کی 25 ویں برسی پردن بھر ان کے قدر دان، مداح اور چاہنے والوں کا ان کی قبر پر تانتا بندھا رہا۔ شہریوں کی بڑی تعداد نے ان کے قبر پر پھول چڑھائے اور فاتحہ خوانی کرکے اس عظیم گائیک کو خراج عقیدت پیش کرتے رہے۔اس موقع پر متعدد مداحوں کی آنکھیں نم رہیں جبکہ کئی مقامی گلوکاروں نے ان کا گایا ہوا کلام گا کران کے فن سے اپنی دلی وابستگی اور عقیدت کا اظہار کیا۔علاوہ ازیں اس سلسلہ میں سرسنگیت کے پرستاروں اور فلمی، علمی، ادبی حلقوں کی جانب سے بھی مختلف تقریبات کا اہتمام کیا گیاجس میں نصرت فتح علی خان کی فنی خدمات کو خراج عقیدت پیش کیاگیا جو16اگست1997کو انتقال کر گئے تھے۔نصرت فتح علی خان13اکتوبر 1948 کو فیصل آباد میں پیدا ہوئے آپ کے والد استاد فتح علی خان اور چچا استاد مبارک علی خان اپنے دور کے مشہور قوال تھے۔نصرت فتح علی خان نے بھی بطور قوال دم مست قلندرمست مست سے ملک گیر شہرت حاصل کی۔انہوں نے قوالی کی صنف میں مغربی انداز متعارف کروایا جسے دنیا بھر میں بھرپور پذیرائی حاصل ہوئی۔ ان کی گائی ہوئی قوالی ”علی مولا علی مولا“ سے انہیں بے پناہ شہرت حاصل ہوئی جبکہ ان کے گائے گیت ”سن چرخے دی مٹی مٹھی کوک“ نے انہیں شہرت کی بلندیوں تک پہنچا دیا۔نصرت فتح علی خان نے بطور قوال خوب شہرت کمائی جس پر ہالی وڈ کے معروف میوزک کمپوزر پیٹر گبریل نے انکے ساتھ ملکر کام کرنے کا منصوبہ بنایا ا ور دونوں نے ملکر مشرقی و مغربی موسیقی کا ملاپ کرکے دم مست قلندر جیسی شہرہ آفاق قوالی تخلیق کی جس نے نصرت فتح کی شہرت کو چہار دانگ عالم میں پھیلا دیا۔نصرت فتح علی خان نے بحیثیت قوال 125آڈیو البم ریلیز کئے جو کہ ایک ورلڈ ریکارڈ ہے۔پاکستان کیساتھ ساتھ کئی ممالک کی حکومتوں اور اقوام متحدہ نے انکی شاندار فنی خدمات کا اعتراف کرتے ہوئے انہیں متعدد سرکاری اعزازات سے نوازا۔جگر و گردوں کے عارضہ سمیت مختلف امراض میں مبتلا ہونے کے باعث صرف 49سال کی عمر میں 16اگست 1997کو شہنشاہ قوالی نصرت فتح علی خان اپنے کروڑوں مداحوں کو داغ مفارقت دے گئے۔ ان کی وفات سے گلوکاری کے میدان میں پیدا ہونے والا خلا مدتوں پورا نہ ہو سکے گا۔
وقت اشاعت : 16/08/2022 - 22:51:06
مزید متعلقہ خبریں پڑھئیے :
متعلقہ عنوان :
Lollywood
Bollywood
Hollywood
Theater
Television
Music
Radio
Fashion
Other
Movies
News
Articles
Gallery
Videos
Showbiz Programs
Showbiz Stars
Famous Showbiz Stars
Zoe Saldana
Asrar
Dakota Johnson
Willa Holland
Britney Spears
Rachel Weisz
Trevor Noah
Naomie Harris
Amitabh Bachchan
Abdullah Kadwani
Jawad Bashir
Adil Murad
Showbiz News In Urdu
-
کامیڈی کنگ منور ظریف کی48ویں برسی29اپریل کو منائی جائے گی
-
برصغیر کے نامور اردوڈرامہ نگارآغاحشر کاشمیری کی 89ویں برسی 28اپریل کومنائی جائے گی
-
ایمن خان کی ہمشکل لڑکی کی ڈانس ویڈیو وائرل
-
آج کل کے ڈراموں میں رشتوں کا تقدس پامال کیا جارہا ہے،نعمان اعجاز
-
بشریٰ انصاری کے دوسرے شوہر کی پہلی شادی اینکر فرح سعدیہ سے ہوئی تھی ،ڈاکٹرعمرعادل
-
شاہ رخ خان کی ڈان کے روپ میں واپسی
-
زوہاب خان نے داڑھی بڑھانے کیلئے ٹرانسپلانٹ کروانے کی وجہ بتا دی
-
مجھے جلدی شادی کرنے پر کوئی پچھتاوا نہیں ہی: سدرہ نیازی