نامور بھارتی بزنس مین اور اداکارہ شلپا شیٹی کے شوہر راج کندرا کی فحش فلموں کے کیس میں گرفتاری اور پھر رہائی کے بعد پہلی مرتبہ اس معاملے پر لب کشائی

جمعرات 22 ستمبر 2022 20:18

نامور بھارتی بزنس مین اور اداکارہ شلپا شیٹی کے شوہر راج کندرا کی فحش فلموں کے کیس میں گرفتاری اور پھر رہائی کے بعد پہلی مرتبہ اس معاملے پر لب کشائی
ممبئی (اُردو پوائنٹ اخبارتازہ ترین - آن لائن۔ 22 ستمبر2022ء) نامور بھارتی بزنس مین اور اداکارہ شلپا شیٹی کے شوہر راج کندرا نے فحش فلموں کے کیس میں گرفتاری اور پھر رہائی کے بعد پہلی مرتبہ اس معاملے پر لب کشائی کی۔ خیال رہے کہ گزشتہ برس جولائی میں فحش فلمیں پروڈیوس اور ڈسٹری بیوٹ کرنے کے الزام میں شلپا شیٹی کے شوہر راج کندرا کو گرفتار کیا گیا تھا۔

ان کے خلاف مذکورہ کیس کی تفتیش جاری ہے، تاہم انہیں اسی برس 21 ستمبر کو ضمانت پر رہا کردیا گیا تھا۔ اپنی رہائی کے بعد سے راج کندرا نے اپنے ہونٹ سی لیے تھے، تاہم اب رہائی کے ایک سال بعد انہوں نے خاموشی توڑ دی۔ مائیکرو بلاگنگ ویب سائٹ ٹوئٹر پر اپنے پیغام میں راج کندرا نے کہا کہ یہ سب وقت کا کھیل ہے کیونکہ انصاف ہوگا۔

(جاری ہے)

اپنی تصویر کے اوپر راج کندرا نے تحریر کیا کہ اگر آپ مکمل کہانی نہیں جانتے تو اپنا منہ بند رکھیے۔

ٹوئٹ میں اپنے پیغام میں راج کندرا نے لکھا کہ ’آج انہیں ممبئی کی آرتھر روڈ جیل سے رہائی ملے ایک برس ہوگیا ہے۔ یہ سب وقت کا کھیل ہے، انصاف ہوگا اور سچ جلد سامنے آئے گا۔راج کندرا نے اپنے چاہنے والوں کا مشکل وقت میں ساتھ دینے پر شکریہ ادا کیا جبکہ ٹرولرز کو ٹرول کرتے ہوئے انہوں نے تحریر کیا کہ ’آپ لوگوں نے مجھے مزید مضبوط بنایا۔

مزید متعلقہ خبریں پڑھئیے‎ :

وقت اشاعت : 22/09/2022 - 20:18:05