طارق ٹیڈی مرحوم کا کسی سے کوئی لین دین ہے وہ میرے ساتھ رابطہ کر لے‘ افتخار ٹھاکر

پنجاب حکومت نے جس طرح مدد کی میں وزیر اعلیٰ پرویز الٰہی کا تاحیات شکر گزار رہوں گا

جمعرات 24 نومبر 2022 14:01

طارق ٹیڈی مرحوم کا کسی سے کوئی لین دین ہے وہ میرے ساتھ رابطہ کر لے‘ افتخار ٹھاکر
لاہور(اُردو پوائنٹ اخبارتازہ ترین - این این آئی۔ 24 نومبر2022ء) سینئر کامیڈین اداکار افتخار ٹھاکر نے اعلان کیا ہے کہ اگر اداکار طارق ٹیڈی مرحوم کا کسی سے کوئی لین دین ہے وہ میرے ساتھ رابطہ کر لے ، پنجاب حکومت نے جس طرح مدد کی ہے میں وزیر اعلیٰ چودھری پرویز الٰہی کا تاحیات شکر گزار رہوں گا۔

(جاری ہے)

گفتگو کرتے ہوئے افتخار ٹھاکر نے کہا کہ طارق ٹیڈی مرحوم ہمارا ساتھی تھا اور ہم سب کو اس کے اچانک دنیا سے چلے جانے کا بے حد افسوس ہے ۔

انہوں نے کہا کہ اگر طارق ٹیڈی مرحوم کا کسی سے کوئی لین دین ہے تو وہ میرے ساتھ رابطہ کرے ، انہوں نے اگر کسی کا کچھ دینا ہے تو میں اس کی ادائیگی کے لئے حاضر ہوں ۔ انہوں نے کہا کہ پنجاب حکومت نے اپنا بھرپور تعاون فراہم کیا ، اس کے لئے میں وزیراعلیٰ پنجاب چودھری پرویز الٰہی کا تاحیات ممنون رہوں گا۔

مزید متعلقہ خبریں پڑھئیے‎ :

وقت اشاعت : 24/11/2022 - 14:01:33