دلیپ کمار کی 100 ویں سالگرہ کے موقع پر فلم فیسٹیول کا انعقاد

ممبئی(اُردو پوائنٹ اخبارتازہ ترین - آن لائن۔ 28 نومبر2022ء) لیجنڈری اداکار یوسف خان المعروف دلیپ کمار کی 100 ویں سالگرہ کے موقع پر فلم فیسٹیول کا انعقاد کیا گیا۔فلم فیسٹیول میں دلیپ کمار کی مشہور فلموں ’آن‘، ’شکتی‘ اور ’دیوداس‘ کو ایک بار پھر سنیما گھروں میں ریلیز کیا جائے گا۔مرحوم اداکار کی یہ تینوں یادگار ترین فلمیں ہیں جنہیں بڑی اسکرین پر دیکھ کر ادکار کے مداح ایک بار پھر اپنے پسندیدہ لمحات کو دہرا سکیں گے۔

(جاری ہے)

’دلیپ کمار ہیروز کا ہیرو‘ کے عنوان سے دلیپ کمار فلم فیسٹیول 10 اور 11 دسمبر کو منعقد کیا جائے گا۔منتظمین کا کہنا ہے کہ یہ فیسٹیول بھارتی سینما کے عظیم اداکاروں میں سے ایک کو بڑی اسکرین پر دوبارہ دیکھنے کے لیے ایک ناقابلِ یقین موقع ہو گا۔اس موقع پر دلیپ کمار کی ان تینوں فلموں کو 20 شہروں کے 30 سے زائد سینما ہالز میں پیش کیا جائے گا۔دلیپ کمار گزشتہ برس جولائی میں انتقال کر گئے تھے اور انہوں نے سوگواران میں اہلیہ سائرہ بانو کو چھوڑا تھا۔