پاکستانی اداکارفہد مصطفی کی سوشل میڈیا انفلوئنسرز پر کڑی تنقید

کراچی(اُردو پوائنٹ اخبارتازہ ترین - این این آئی۔ 20 نومبر2023ء) پاکستان ڈرامہ انڈسٹری کے نامور اداکار و گیم شو ہوسٹ فہد مصطفی نے سوشل میڈیا انفلوئنسرز اور ٹک ٹاکرز کو آڑے ہاتھوں لے لیا۔حال ہی میں انہوں نے پاکستان ٹیم کے سابق کرکٹر شعیب اختر کے پروگرام میں شرکت کی جہاں انہوں نے کئی موضوعات پر کھل کر گفتگو کی۔شعیب ملک کی جانب سے جب اداکار سے سوشل میڈیا انفلوئنسرز کی فین فالووئنگ سے متعلق سوال کیا گیا تو انہوں نے کہا کہ میری کوئی میراث نہیں ہے، پاکستان میں مواد(Content) سب سے زیادہ اووریٹڈ لفظ ہے۔

انہوں نے کہا کہ ان کے پاس کوئی سبق آموز مواد ہے ہی نہیں، مواد کے نام پرہرکوئی اپنی فیملی کو بیچ رہا ہے۔انہوں نے ان سوشل میڈیا انفلوئنسرز پر تنقید کرتے ہوئے کہا کہ مواد کے نام پر کچن میں پھیرنی بنالیتے ہیں، امی کے پاں دبائو لیتے ہیں۔

(جاری ہے)

انہوں نے حیرانگی کا اظہار کرتے ہوئے کہا کہ اب تو لوگ مواد کیلئے قبرستان کو بھی نہیں چھوڑ رہے ہیں۔اداکار نے کہا کہ یہ کون سا مواد ہی میں نہیں چاہتا کہ لوگ مجھے اس قسم کے مواد کے لیے جانیں، میں اچھی یا بری کہانی سنا سکتا ہوں، اپنے گھر کو نہیں بیچ سکتا۔انہوں نے کہا کہ میں ایسے کئی لوگوں سے مل چکا ہوں جن کے لاکھوں فالوورز ہیں، جب وہ ڈرامے کی شوٹ پر جاتے ہیں تو انہیں کسی پروگرام کی شوٹنگ اور مرحلوں کا سمجھ ہی نہیں آتا۔