اداکارہ شان بالی ووڈ میں کام کرنے والے تمام اداکاروں سے بڑا سٹار ہی: شیبا بٹ

لاہور (اُردو پوائنٹ اخبارتازہ ترین - آن لائن۔ 07 ستمبر2024ء) سینئر اداکارہ شیبا بٹ نے کہا ہے کہ شان بالی ووڈ میں کام کرنے والے تمام اداکاروں سے بڑا سٹار ہے اور انہوں نے اردو اور پنجابی فلموں میں اپنی صلاحیتوں کا لوہا منوایا ہے، ہمارے ہاں نوجوان اداکاروں کی بڑی کھیپ موجود ہے لیکن انہیں تربیت کے لئے مناسب پلیٹ فارم میسر نہیں ۔

(جاری ہے)

ایک انٹر ویو میں شیبا بٹ نے کہا کہ شان واحد اداکار ہے جس نے خود کو ہر کردار کے مطابق ڈھال کر اور حقیقت کے قریب تر ہو کر کردار نبھائے ہیں ۔

شان نے اپنی اداکاری سے ثابت کیا ہے وہ بڑا اداکار ہے ۔ انہوں نے کہا کہ ہمارے ہاں اس معیار کی اکیڈمی نہیں جہاں تربیت کے بعد فنکاراس شعبے میں آئیں ۔ حکومت کو چاہیے کہ اس طرح کا ادارہ بنائے اور لیجنڈ اداکاروں کو وہاں پر نئے آنے والوں کو تربیت دینے کی ذمہ داریاں سونپی جائیں۔