شلپا شندے نے باولی ووڈ فلمساز پر جنسی حملے کا الزام عائد کردیا

ممبئی (اُردو پوائنٹ اخبارتازہ ترین - آن لائن۔ 07 ستمبر2024ء) بھارتی ٹیلی ویژن کی اداکارہ اور بگ باس 11 کی فاتح شلپا شندے نے ایک بالی ووڈ فلمساز پر جنسی حملے کا الزام عائد کیا ہے۔ ایک بھارتی میڈیا ادارے کے ساتھ گفتگو کرتے ہوئے 47 سالہ شلپا نے دعوی کیا کہ انھیں کہا گیا تھا وہ آڈیشن دینے کی آڑ میں ایک فلمساز کو اپنی جانب راغب کرے۔

(جاری ہے)

واضح رہے کہ ملیالم فلم انڈسٹری میں خواتین کو جنسی طور پر ہراساں کرنے کے حوالے سے جسٹس ہیما کمیٹی کی رپورٹ منظر عام پر آنے کے بعد سے بھارتی فلم انڈسٹری میں جنسی زیادتی اور ہراساں کرنے کی چونکا دینے والی کہانیاں سامنے آئی ہیں۔

اب اسی حوالے سے ممبئی سے تعلق رکھنے والی شلپا شندے نے الزام لگایا ہے کہ ان کے کیرئیر کے ابتدائی دنوں میں ایک ہندی فلمساز نے ان پر جنسی حملہ کیا تھا۔انکے مطابق یہ واقعہ غالبا 99، 1998 کا ہے، انھوں نے انٹرویو میں مذکورہ بالا فلمساز و پروڈیوسر کا نام تو نہیں بتایا البتہ کہا کہ وہ ہندی فلم انڈسٹری کے ہونے کے ساتھ اداکار بھی تھے۔