باپ کا راج ہے، آریان خان کی ہدایتکاری میں بننے والی نیٹ فلکس سیریزکا پروموجاری

منگل 4 فروری 2025 21:58

باپ کا راج ہے، آریان خان کی ہدایتکاری میں بننے والی نیٹ فلکس سیریزکا پروموجاری
ممبئی (اُردو پوائنٹ اخبارتازہ ترین - آن لائن۔ 04 فروری2025ء) کنگ شاہ رخ خان کے بیٹے آریان خان کی ہدایتکاری میں بننے والی نیٹ فلکس سیریز کا اعلان کردیا گیا۔بھارتی میڈیا رپورٹ کے مطابق آریان خان کی ہدایتکاری میں بننے والی نیٹ فلکس سیریز دی با***ڈز آف بالی وڈ کا اعلان ہو گیا۔ یہ اعلان نیکسٹ آن نیٹ فلکس انڈیا 2025 ایونٹ میں شاہ رخ خان نے خود ایک مزاحیہ پرومو کے زریعے کیا۔

اس پرومو میں شاہ رخ مختلف انداز میں اپنے مشہور ڈائیلاگز دہرانے کی کوشش کرتے ہیں، لیکن ہدایتکار بار بار ری ٹیک کا مطالبہ کرتا ہے۔آخرکار شاہ رخ غصے میں کہتے ہیں، باپ کا راج ہے کیا جس پر کیمرہ آریان کی طرف مڑتا ہے اور وہ مسکراتے ہوئے جواب دیتے ہیں، ہاں۔اس مزاحیہ تبادلے کے بعد شاہ رخ خان اپنے بیٹے آریان کی سیریز کا تعارف کراتے ہوئے اسے سب سے نرالی، جرات مند اور فلمی ترین کہانی قرار دیتے ہیں۔

(جاری ہے)

پرومو میں شاہ رخ خان کی مشہور فلم جوان کا حوالہ بھی دیا گیا ہے، جہاں آریان اپنے والد کے مشہور مکالمے بیٹے پر ہاتھ اٹھانے سے پہلی... کی طرف اشارہ کرتے ہیں۔شاہ رخ خان نے کہا کہ آریان اور ان کی ٹیم جلد ہی اس منفرد نام کے پس پردہ کہانی بھی پیش کریں گے۔یاد رہے کہ یہ سیریز ریڈ چلیز انٹرٹینمنٹ کے بینر تلے بنائی گئی ہے جس کی پروڈکشن گوری خان کر رہی ہیں۔ اس ایونٹ میں گوری خان اور سہانا خان بھی آریان کی حوصلہ افزائی کے لیے موجود تھیں۔
وقت اشاعت : 04/02/2025 - 21:58:07

مزید متعلقہ خبریں پڑھئیے‎ :