سوناکشی سنہا16ویں آئیفا ایوارڈ میں اپنی آواز کا جادو جگائیں گی

ہفتہ 30 مئی 2015 13:46

سوناکشی سنہا16ویں آئیفا ایوارڈ میں اپنی آواز کا جادو جگائیں گی

ممبئی( اُردو پوائنٹ اخبار تازہ ترین۔ 30 مئی۔2015ء ) بالی ووڈ اداکارہ سوناکشی سنہا ملائشیا کے شہر کوالالمپور میں اگلے ماہ پانچ جون سے شروع ہونے والے تین روزہ 16 ویں انٹرنیشنل انڈین فلم اکیڈمی ایوارڈ ”آئیفا“ میں اپنی آواز کا جادو جگائیں گی۔تقریب کی میزبانی ایوشمان کھرانہ اور پرینیتی چوپڑا کریں گی جب کہ معروف موسیقار شنکر احسان لوئے ، میکا سنگھ ، انکیٹ تیواڑی ، کانیکا کپور ، جاوید علی اور نوراں سسٹرز بھی اس موقع پر پرفارم کریں گے اطلاعات کے مطابق سوناکشی نے آئیفا تقریب میں اپنی آواز کا جادو جگانے کے لیے پریکٹس شروع کردی ہے۔

ائیفا کے آرگنائزر اور وزکرافٹ انٹرنیشنل انٹرٹیمنٹ نے ہدایتکار سباس جوزف نے بھارتی خبر رساں ادارے سے ٹیلفون پر گفتگو کرتے ہوئے سوناکشی سنہا کے تقریب میں گلو کاری کرنے کی تصدیق کرتے ہوئے بتایا کہ یہ پہلا موقع ہوگا کہ ایک اداکارہ بھی تقریب میں اپنی آواز کا جادو جگائیں گی اور اس سے 16 ویں انٹرنیشنل انڈین فلم اکیڈمی ایوارڈکی تقریب اور دلچسپ اور بہترین ہوجائے گی انھوں نے بتایا کہ سوناکشی سنہا 7 جون کی شام کو گلوکاری کا مظاہرہ کریں گی جس کے لیے انھوں نے ریہرسل شروع کردی ہے۔

(جاری ہے)

انھوں نے بتایا کہ اس کے علاوہ ہرتیک روشن ، انوشکا شرما ، پریانکا چوپڑا ، فرحان اختر ، پرینیتی چوپڑا۔ شردھا کپور اور شاہد کپور بھی اپنی پرفارمنس سے تقریب میں جان ڈالیں گے۔دریں اثنا سوناکشی سنہا نے کہا ہے کہ اپنی دو فلموں میں گانا ریکارڈ کرواچکی ہوں اس کے باوجود ” آئیفا “ کے اسٹیج پر جہاں بالی ووڈ کی بڑی بڑی شخصیات موجود ہوں کی کے سامنے پرفارم کرنے کے سلسلہ میں نروس ہوں مگر اس کیے باوجود یہ سمجھتی ہوں کہ اس تقریب میں پہلی مرتبہ پرفارم کرنا میرے لیے کسی اعزاز سے کم نہیں کیونکہ اس کے بعد میرا نام بھی گلوکاروں کی فہرست میں شامل ہوجائے گا اداکارہ کا کہنا تھا کہ ساتھی اداکاراوٴں نے اس سلسلہ میں میرا حوصلہ بہت بڑھایا ہے اور میں ماہر گلوکار کی مدد سے اسٹیج پر پرفارم کرنے کی ریہرسل بھی کررہی ہوں امید ہے نہ صرف آئیفا کے شرکا بلکہ مداحوں کو بھی میری پرفارمنس پسند آئے گی

وقت اشاعت : 30/05/2015 - 13:46:17

Rlated Stars :