صبورعلی اور علی انصاری کے ہاں ننھی پری کی پیدائش

کراچی (اُردو پوائنٹ اخبارتازہ ترین - آن لائن۔ 20 مارچ2025ء)پاکستان شوبز کی خوبرو اداکارہ صبور علی اور اداکار علی انصاری کے ہاں بیٹی کی پیدائش ہوئی ہے۔اداکارہ صبور علی نے فوٹو اینڈ ویڈیو شیئرنگ پلیٹ فارم انسٹاگرام پر شوہر اور نومولود بیٹی کے ساتھ تصاویر پوسٹ کی ہیں جو سوشل میڈیا پر تیزی سے وائرل ہو رہی ہیں۔

(جاری ہے)

تصاویر کے ساتھ کیپشن میں اداکارہ نے ننھی پری کو ان کی زندگی کا معجزہ قرار دیتے ہوئے لکھا کہ ہمارا چھوٹا معجزہ، ہماری سب سے بڑی نعمت۔

سب سے چھوٹے ہاتھ کا سب سے بڑا اثر چھوڑنا ناقابل یقین ہے۔صبور علی نے بیٹی کا نام بتاتے ہوئے لکھا کہ سرینا علی کو دنیا میں خوش آمدید۔ جادو آپ کا منتظر ہے۔سوشل میڈیا پر مداحوں اور ساتھی فنکاروں کی جانب سے صبور علی اور علی انصاری کو مبارکباد دیتے ہوئے نیک تمنائوں کا اظہار کیا جارہا ہے۔